Gmail Me All Useless Mails Ko One Click Me Delete Kaise Kare – Quick ways

Delete all mail in gmail? Gmail ka use hum email ko receive karne ya fir send karne me karte hai, aur aise me kabhi kabhi humare inbox me itne sare unwanted mails ya faltu ke emails ho jate hain jinki hume koi jarurat nahi hoti. ye sirf  humare inbox ko bekar me bharne ka kaam karti hai. islea hume jarurat hai aise unwanted ya useless emails ko humesha ke liye delete karne ki.

dekha jaye to email message ko delete karna koi badi baat nahi hai aur ye bahut asani se delete kiya ja sakta hai. lekin problem tab aati hai jab yahi mails 1000ro ki shankhya me ho. to fir inko one by one delete karna ek time consuming task sabit ho sakta hai aapke liye.islea aaj hum apne iss tutorial me janenge ki how to delete all mail in gmail ya gmail inbox ke sabhi mails ko one click me kaise delete karte hai.

delete all mail in gmail

Gmail duniya bhar me sabse zyada istemal kiye jane wale email services me se ek hai, aap chahe to email services ke liye hotmail ya fir yahoo mail ka bhi istemal kar sakte hai lekin gmail zyada famous hai aur har din badi shankhya me new users  emailing purpose ko pura karne ke liye gmail service ko join karte hai. lekin new users ko iske full features ke bare me zyada jankari nahi hoti, jiske chalte wo apne gmail account ko thik se manage nahi kar pate.

Aaiye pahle hum ye jaan lete hai ki unwanted mails ya useless mails ko kyu delete kar dena chahiye.

Mails ko delete karne ki jarurat kyu padti hai?

kisi bhi mail ko delete karne se pahle aapko ye pata hona chahiye ki jis mail ko aap delete kar rahe ho wo future me aapke kisi kaam ka hai ya nahi. aur aap ye acche se samajh sakte ho ki jitne bhi mails apke inbox me aate hai unme se kaun sa mail aapko rakhna hai aur kaun sa mail aapko delete karna hai.

1- Facebook or other social media notifications

2- Newsletters

3- Promotional emails

4- Product announcements (like Amazon, snapdeal, flipcart etc)

5- Daily coupon or deals emails (lke hosting or domain)

upar bataye gaye ye sare emails humare liye kuch time tak ke liye hi useful hote hai uske baad hume inki jarurat nahi hoti.islea aise emails ko delete kar dena hi thik hota hai jisse ki humare inbox me kewal kaam ke mail hi rahe.

to chaliye ab hum jaan lete hai ki faltu ke mails ya messages ko apne gmail inbox se kaise delete kare.

Gmail  me all useless mails ko ek sath delete kaise kare

1’st method

Delete All Mail in Gmail from Inbox Tab (primary,social and promotions)-

yadi aap apne gmail inbox ke sabhi emails ko delete karna chahte hai to ye method sabse asan hai isme aapko apne gmail account me login hone ke baad inbox par click karna.aur aap ye jante honge ki gmail ka inbox 3 part me bata hua hai jisme first promary tab, second social tab aur third promotional tab.

gmail inbox tab

 

aap ye apne hisab se select kar sakte ho ki aapko kis tab ka inbox mail delete karna hai.mai yaha par aapko promotional tab ke sare mils ko delete karne ka tareeka bata raha hu. same isi tarah aap social or primary inbox ke all mails ko bhi delete kar sakte ho.

follow these steps:

  •  sabse pahle aap apne gmail account me login ho jaiye.
  • promotion tab par click kare.

how to delete all mail in gmail

1- select all messages

2- Select all xxxx conversations in Promotions par click kare. agar aap chahte hai ki front page pe show ho rahe 50 messages hi delete ho to iske liye aap step 2 ko skip kar ke delete par click kar dijiye, isse aapke inbox se 50 mails delete ho jayenge.

3- delete par click kare.iske baad apki screen par confirm bulk action ka ek window show hoga jisme aapko ok par click karna hai.

congratulation! promotional tab se apka sara mail delete ho chuka hai.

NoteSame issi step ko follow kar ke aap social tab aur primary tab ke inbox messages ko bhi all delete kar sakte ho.

aapke dwara delete kiye gaye ye sare mails gmail bin /trash me move ho jate hai, jaha par jakar aap isko permanently delete kar sakte ho. aur agar aapko baad me ye lage ki mujhe ye mail delete nahi karna tha aur uss mail ko wapas apne inbox me chahte hai to iske liye aapko bin/trash me jakar uss mail ko move karna hota hai. lekin ye baad dhyan me rakhe ki delete kiya hua mail bin ya trash me maximum 30 days ke liye rahta hai uske baad deleted             mail automatically delete ho jata hai.

2’nd method

Delete email by certain date

iss method ko follow kar ke aap ek perticular date tak ke sare mails ko ek sath delete kar sakte hai.

for example, agar aap  chahte ho ki aapke gmail inbox me jitne bhi mails hai unme se 30 january 2017 ke pahle ke jitne bhi mails hai wo sab delete ho jaye.then iske liye aapko ye steps follow karne honge.

1- search bar me before:YYYY/MM/DD ke formate me wo date likhiye, jiske pahle ka sara mail aapko delete karna hai. maine example me 30 january 2017 ke pahle ke sabhi mails delete karne ke liye  search bar me before:2017/1/30 likha hai.

Note- same yahi step ko follow kar ke aap ek specific date ke baad ke sare mails bhi delete kar sakte ho.iske liye aapko before:YYYY/MM/DD ki jagah after:YYYY/MM/DD ke formate me date likhna hoga.

Deleting Mail Older Than a Certain Date

2- ab aapke screen par wo sabhi mails show honge jo iss date ke pahle ka hai. sabhi emails ko delete karne ke liye select all kare.

3- select all canversations that match this search par click kare.

4- delete par click kare. iske baad aapke screen par confirm bulk action ka ek wiondow show hoga uspe aap ok par click kare.

finally aapke sare mails delete ho jayenge.

3’rd method

Deleting all inbox message by labels

isme aap apne all read or unread mails ko ek sath delete kar sakte hai.

delete all mail by label

empty box ke bagal me down errow par click kare, iske baad ye drop down menu open hogi.isme se aap read or unread par click kare. read par click karne par aapke screen par wo sabhi mails show honge jise aapne open kar ke dekh liya hai aur usko aap read kar chuke ho.aur unread par click karne par aapke samne wo sabhi mails show honge jise aapne open kar ke nahi dekha hai.iss tarah se aap apne inbox se read or unread mails delete kar sakte ho.waise dekha jaye to hum aise emails ko open nahi karte jo humare kisi kaam ka nahi hota.islea aap unread mail ko delete kar sakte ho.

4’th method-

Delete all email from one contact

yadi aap kisi ek Frequent Senders ke sabhi mails ko delete karna chahte hai to iske liye aapko ye pata lagana hoga ki jis email address se aapko mail aa rahe hai uska email id kya hai.

sabse pahle frequent senders ke dwara send kiya gaya koi bhi ek email find out kariye aur uspe mouse ka cursor le jakar chhord de. aisa karne se aapke samne senders ki email show hogi.in my case , mere gmail address par hosting, online jobs support ki taraf se kaafi mails aate rahte hai so mai aapko hosting companies ke sare mails delete kar ke dikhaunga jiski mujhe ab koi jarurat nahi hai.

steps to delete all email from one contact

gmail account me login hone ke baad aap sabse pahle uss perticular contact email ko find kariye jiske sare mails ko delete karna hai.

1- sender’s email address par mouse cursor ko le jakar chhord de. aapke samne ek small pop-up window show hogi.

2- emails par click kare.

one contact delete gmail mail

email par click karne ke baad aapke samne ye new window open hogi .

specific contact mail delete

3- empty box me click kar ke all mails ko select kijiye.

4- fir delete par click kijiye.

finally sare mails delete ho jayenge. iss method follow kar ke aap kisi bhi senders ke mails ko delete kar sakte ho.

Bonus tips– aap jo bhi messages ya emails delete karte ho wo sab bin me jakar store hota hai.islea kisi mail ko permanently delete karne ke liye aapko bin  me jakar mails ko select kare aur delete forever par click kar de.

ya fir sabse upar aapko search bar dikhega, usme in:trash likh kar enter kare. aapke samne sabhi mails open ho jayenge, jisko ab aap delete kar sakte hai.

imp notes-yadi koi mail delete karne ke baad aapko baad me realize ho ki maine galti se zaruri mail ko delete kar diya hai to dont worry friends, aap bin me jakar apne mails ko wapas move bhi kar sakte hai.

I hope ki aap ab ye acche se samajh gaye honge ki how to delete all mail in gmail ya apne gmail account se faltu ke mails ko ek bar me hi kaise delete kare.agar iss post se related aapke man me koi question ya suggestion hai to aap neeche comment ke madhyam se hume bata sakte ho.aur agar aapko ye post useful lage aur aapke kuch kaam aya ho to please isko social media par share kare, jisse aapke friends bhi iske bare me jaan sake.

Also Read :

Temporary Email ID or Disposable Email Kaise Banaye

Google Backup Codes : 2 Step Verification Without Your Phone

Gmail 2 Step Verification Enable Kar Gmail ID Kaise Secure Kare

 

 

Comments (2)

Leave a Reply

Your email address will not be published. Required fields are marked *

4 Shares
Share4
Tweet
+1
Share
Pin