Domain Name Buy Sell Kar Ke Paise Kaise Kamaye

Website developer  website sell kar ke paise kamate hai ye to sabhi jante hai lekin bahut kam log hai jinko is baat ki jankari hai ki domain name sell kar ke bhi paise kamaye ja sakte hai. ji ha friends, ye mumkin hai.. aur kaafi log domain selling se accha khasa paisa kama bhi rahe hai aur jo is field me expert hai wo to ek-ek domain se hi lakho rupaye kama lete hai. aaj ki is post me mai aapko kuch aise domain name ke bare me batane wala hu jinhe 1000, 10000 ya 100000 nahi balki million dollar me kharida gaya hai. aap in domain ka selling price dekh kar surprise ho jayenge ki akhir 99 Rs se 700 Rs ke andar me milne wale domain ko million dollar dekar kyu kharida gaya.

Mai iska reason bhi bataunga aur iske sath-sath hum ye bhi janenge ki kaise hum domain sell kar ke earning kar sakte hai.

Domain selling se paise kaise kamaye

isse pahle ki mai aapko duniya me sabse zyada daam par bikne wale domain name ke bare me batau, Aaiye pahle ye jaan lete hai ki akhir domain name hai kya.

mujhe yaha par domain ke bare me islea batana pad raha hai kyu ki ye jaruri nahi ki sabhi ko iske bare me pata ho. kyu ki maine kuch logo se iske bare me pucha ki domain kya hai to unka ye jawab aya ki domain ka to pata nahi but domino’s pizza ke bare me jankari hai. 😛 so ab aap samajh sakte hai 🙂

Domain Name Kya Hai ?

Agar aap ek blogger hai to aap domain name se anjaan nahi honge lekin aise bahut se log hai jinke liye domain ek Alien word hai. so mai yaha par short me domain ke bare me bata deta hu jisse ki kisi ko domain name ko lekar koi confusion na rahe. kyu ki agar kisi ko yahi pata nahi hoga ki domain kya hota hai to fir wo domain buy & sell kaise karega.

Domain name ek web address hota hai jiski madad se internet user kisi bhi website/blog ko access kar pate hai.

just example, agar aapko facebook open karna hota hai to aap www.facebook.com ya fir facebook.com, fb.com likh kar search karte hai jise hum web address kahte hai. is web address me facebook.com , fb.com ek domain name hai.

website name ko hi aap domain name kah sakte hai. jaise ki mere website ka domain name onlinedailytips.com hai. isi tarah google.com, facebook.com, twitter.com ek domain hai. aise hi aap jitni bhi website ko jante hai uspar visit karte hai wo sabhi ek domain name hai.

Note- Domain aur Domain Name dono ka ek hi matlab hai.

i hope ki ab aap acche samajh gaye honge ki domain kya hota hai aur ye kisi bhi website ke liye kitna zaruri hai. to chaliye ab ye jaan lete hai ki kis domain ko sabse zyada keemat dekar kharida gaya hai.

List of Most Expensive Domain Names

mai yaha par aapko sirf top 10 domain names ke bare me bata raha hu. agar aap world me sabse adhik daam me bikne wale domain ke bare me aur adhik jankari chahte hai to aap wikipedia par visit kar sakte hai.

Top 10 Most Expensive Domain Names

1- insurance.com – insurance.com domain name ko 2010 me 35.6 million dollar me kharida gaya tha.

2- VacationRentals.com – VacationRentals.com domain ko 2007 me 35 million dollar me kharida gaya.

3- PrivateJet.com – PrivateJet.com domain  ko 2012 me 30.18 million dollar me kharida gaya.

4- internet.com – internet.com domain ko 2009 me 18 million dollar me kharida gaya.

5- 360.com – 360.com domain ko 2015 me 17 million dollar me kharida gaya.

6- insure.com – insure.com domain ko 2009 me 16 million dollar me kharida gaya tha.

7- Sex.com – sex.com domain ko 17 November 2010 ko 13 million dollar me kharida gaya.

8- Hotels.com – Hotels.com ko 2001 me 11 million dollar me kharida gaya.

9- Fund.com – Fund.com domain name ko 2008 me 9.99 million Euro me kharida gaya.

10- Porn.com – Porn.com domain ko 2007 me 9.5 million dollar me kharida gaya.

to dosto ye to sirf top 10 domain name hai jo maine yaha par aapko batayi hai jinki keemat million dollar se zyada hai. lekin har roz aise hi 1000ro domain name kharide aur beche ja rahe hai jinhe internet par public nahi kiya gaya hai.

ye kuch aise domains hai jise hum aap jaise logo ne hi pahle kharida tha lekin baad me in domain names ko badi-badi companies/organisation ke maliko ne zyada paise dekar kharid liya.

ab aap ye soch rahe honge ki domain to 99 rs me bhi register ho jata hai to fir in domains ko itne zyada paise me kyu kharida gaya? wo khud se bhi domain register kar sakte the. right?

dont worry aapke sabhi sawalo ka jawab is post me mil jayega, bus aap is post ko last tak read karte rahiye.

Friends, abhi tak aapne ye jana ki domain name kya hai aur world me kis domain ko sabse zyada keemat dekar kharida gaya. ab baat aati hai ki agar hume bhi domain buy & selling ke business me kadam rakhna ho to iske liye hume kya kya karna hoga taki hum bhi domain selling se lakho rupaye na sahi to kuch 1000 rupaye to jarur kama le.

to friends, domain selling/flipping kar ke paise kamane ke liye aapko ye janna jaruri hai ki domain selling or domain flipping kya hai, Domain name kya hai, domain kaha se aur kaise register kare, kis type ka domain register kare taki wo asani se sell ho sake aur last and final ki apne domain name ko kaha par sell kare. chaliye ek-ek kar ke iske bare me jante hai-

Domain Selling or Domain Flipping Kya Hai ?

jis tarah se log zameen kharid kar usko adhik daam me bechte hai aur munafa kamate hai thik usi tarah domain selling ka bhi business hai. log ek unique and branded domain name register kar lete hai aur apne us domain ko adhik daam me sell kar dete hai. aur aap is baat se bhi anjaan nahi honge ki ek branded domain ki kya value hai. kyu ki jab hum domain register karne jate hai to ye dekhte hai ki one world me koi accha domain available hai hi nahi.

dosto ye jaruri bhi nahi ki sirf one word domain jaise google.com ki tarah hi aap domain register kare tabhi wo sell hoga, aap chahe to 2-3 word me bhi domain register kar sakte hai but one word domain ki maang jyada hai jo ki zaldi milta nahi.

ek tarah se jab aap kisi domain name ko register/buy kar lete hai to wo domain aapki property ho jati hai jise ki aapki marzi ke bina koi aur le nahi sakta. so agar kisi ko aapke dwara register kiya gaya domain pasand aata hai aur unko aisa lagta hai ki ye domain unke business ko kaafi aage le ja sakta hai to fir wo kaise bhi kar ke aapse wo domain name lena chahega bhale hi iske liye aapko kitne bhi paise na dene pade.

ye to aap samajh hi sakte hai ki aapke domain ko hum aap jaise normal log lakh rupaye dekar to lenge nahi so jitne bhi domain ki big deal lakho me jati hai wo sab kisi companies,organisation etc ke dwara hi liya jata hai.

Domain Kaha Se Aur Kaise Register Kare

domain sell karne ke liye sabse pahle to aapke paas ek badhiya domain name hona chahiye. waise to domain register karne ki kai websites hai lekin mai aapko godaddy se hi domain register karne ki salah dunga.

sirf mai hi hu kyu agar aap 100 logo se bhi puchne jaye ki domain kaha se register kare ya fir kis domain registrar se domain register kare to 100 me se 90 log aapko godaddy se hi domain buy karne ki salah denge.

so aap godaddy se domain register kare..  aur agar aapko nahi pata ki domain kaise register karte hai to is article ko read kariye.

Kis Type Ka Domain Name Register/Buy Kare Taki Wo Domain Acche Paiso Me Aur Zaldi Sell Ho Jaye

Agar aap most expensive domain name ke list par gaur kare to aap dekhenge ki sabhi domain .com extension ke hai aur jitne bhi domain hai wo 1 word me hai. jaise ki insure.com, internet.com, hotels.com, fund.com etc. isse ye pata chalta hai ki one word domain and .com extension wale domain ki kitni value hai.

kyu ki har koi one word or short domain name ko hi zyada like karte hai kyu ki ye asani se yaad rehte hai.

maine bhi apne liye 2 domain le rakhe hai jise mai domain selling par lagaunga.

1- seoflock.com

2- hostclint.com

aap dekh sakte hai ki  maine jo domain register kiye hai wo kaafi short hai aur kisi ko bhi asani se yaad rah sakte hai. aur in dono domain ki sabse badi khasiyat ye hai ki mere dono domain me high volume searches wale keyword add hai jaise ki seo and host jo ki seo ke lihaz se kaafi accha hai.

but ye bhi jaruri nahi ki aap keyword wale hi domain register kare. aapko ek aisa branded domain name register karna hoga jo zara hatke ho.

Note- domain humesha english word ke hi register kare, kyu ki english language sabhi desho me popular hai so aapka domain koi bhi buy kar sakta hai.

ek badhiya domain register karne ke baad usko domain selling website par add kare taki uski sahi keemat aapko mil sake.

Domain Name Kaha Sell Kare

Aapke domain ka sahi price tabhi milega jab aap apne domain ko aisi website par sell karenge jo ki kaafi popular ho aur log us website par trust karte ho. waise to internet par aisi kai website mil jayengi jaha par domain buy & sell kiya jata hai lekin mai yaha par aapko wo top 5 domain selling website batane ja raha hu jaha par sabse zyada domain name buy & sell kiye jate hai.

Top 5 Domain Selling Websites

1- Flippa.com

2- Sedo.com

3- Godaddy Auction

4- Namejet.com

5- Namepros.com

Frineds Domain selling website ek tarah se domain seller and buyers ke beech mediator ka kaam karti hai, simple word me kahu to dalal ka kaam karti hai. 🙂 jis tarah se dalal kisi kaam ko karane ke liye apna commision jod leta hai this usi tarah jab aapka domain sell ho jata hai to selling price me se kuch % domain selling websites apne paas rakhti hai aur baki ka paisa aapko de diya jata hai.

Last Word –

Domain selling se paisa kamana itna bhi asan kaam nahi hai iske liye aapko ek strategy ke tahat kaam karna hota hai. jisme ek badhiya aur unique domain name register karne ke sath-sath domain selling ki har ek bareekiyon ko samajhna hoga tabhi aap is online business me success ho payenge aur apne domain ko sell kar payenge.

islea pahle aap iske bare me acche se jane tabhi koi domain register kare aur usko selling par lagaye.

Frinends domain buy & sell topic ko ek hi post me samjhana kaafi mushkil hai kyu ki abhi aapke liye ye janna baki hai ki domain selling websites par domain ko kaise add karte hai aur uska price kitna rakhna chahiye wagaira wagaira. so mai aapse yahi request karunga ki aap youtube par domain selling se related videos dekhe taki aap is business ko aur acche se samaj paye. aur mai puri kosish karunga ki zald hi domain selling par next article likh kar publish karu taki domain sell karne se related aapki sari consfusion dur ho sake.

Agar aapko ye jankari acchi lagi ho to ise social media par apne dosto ke sath jarur share kare jisse ki zyada se zyada log domain seliing ke bare me jaan sake.

Comments (7)

Leave a Reply

Your email address will not be published. Required fields are marked *

Share
Tweet
+1