Godaddy Par Domain Kaise Sell Kare (Step by Step Guide With Image)

Aaj ka ye post read karne ke baad wo sabhi log apne domain ko kam price me sell karna band kar denge jo matra 100-150 Rs me hi domain sell karne ko taiyar ho jate hain aur social media par post share karte rahte hain ki agar kisi ko domain lena ho to mujhse contact kare. agar aap bhi unme se ek hai ya fir apne kisi domain ko sell karne ke bare me soch rahe hai to is post ko read karne ke baad aap apna faisla badal denge.

friends, aaj ke is post me hum godaddy premium listing ke bare me janenge ki akhir godaddy premium domain listing kya hai aur godaddy par hum apne domain ko kaise sell kar sakte hai. yadi aapke paas extra/unused godaddy domain hai aur aap use godaddy par sell karna chahte hai to is post ko last tak read kariye. i hope ki is post me batayi gayi har ek jankari aapko pasand aayegi.

godaddy premium listing kya hai aur godaddy par domain sell kaise kare

waise to domain sell karne ki kai sari website hai jisme flippa, sedo, afternic, namejet top domain marketplace hai jaha par aap apna domain sell kar sakte hai but yaha par mai aapko godaddy se liye gaye domain ko godaddy par hi kaise sell karte hai iske bare me bataunga. so agar aapke paas koi unused domain name hai to aap use premium list me add kar kaafi accha paisa kama sakte hai.

kya pata jis domain ko aapne abhi tak aise hi apne paas rakha ho wo kisi aur ko pasand aa jaye aur wo aapke premium domain ko aapke price me kharid le.

kyu ki ye jaruri nahi ki jo domain hume pasand na ho ya fir humare kisi kaam ka na ho to wo kisi aur ko bhi pasand na aaye. so mai aapko yahi salah dunga ki aap apne domain ko premium list me add kar ke chhod dijiye. agar aapki kismat acchi hui to use koi na koi jarur kharid lega.

jab mai namebio.com par domain name sales history dekhta hu tab to mera yakeen aur pakka ho jata hai ki godaddy premium listing me add kiya gaya zyadatar domain sell ho jata hai.

chaliye ab zyada time na lete huye main mudde par aate hai aur jante hai ki godaddy par domain name kaise sell kiya jata hai.

Godaddy par aap 2 tarike se domain sell kar sakte hai-

1- Godaddy Premium Listing

2- Godaddy Auction

mai yaha par aapko Godaddy premium listing ke bare me bataunga aur aane wale dino me hum godaddy auction ke bare me bhi janenge.

Godaddy Premium Listing Kya Hai?

Ye aapne bhi notice kiya hoga ki jab hum godaddy par koi domain search karte hai aur wo domain name available na ho to hume 2 result show hote hai-

1- Sorry, example.com is taken

not available domain name

or

2- premium

premium domain

aap dono image ko dhyan se dekhiye isme maine seoflock.com domain search kiya hai. first image me sorry, seoflock.com is taken likha hua aa raha hai jo ki premium listing me add karne se pahle ka search result hai aur second image me seoflock.com premium likha hua hai aur is domain ke aage wo price money bhi likha hai jis price me mai is domain ko sell karna chahta hu jo ki ek normal domain ke mukable kaafi adhik price hai.

Premium listing or Premium Domain Kya hai

Agar aap abhi tak yahi samajhte aa rahe hai ki premium domain ka price godaddy wale hi set karte hai aur aise domains special hote hai tabhi inka price itna zyada hai to aap bilkul galat hai. kyu ki ye aise domain hote hai jise hum aap jaise logo ne hi pahle se register kiya hota hai aur baad me ise apne price par sell karte hai.

How it Works?

jab aap apna domain premium listing me add kar dete ho aur iske baad koi aur banda godaddy par jakar exact aapke domain name ko ya fir aapke domain se milta julta koi naam likh kar search karta hai to use aapka domain premium price me show hota hai so agar kisi ko aapka domain lena ho to wo aapke price me us domain ko buy karta hai.

Frequently Asked Questions About Godaddy Premium Listing

Ques 1- Agar hum apne domain ko godaddy ke premium listing me add karte hai to iska koi charge dena hoga?

Ans 1- Nahi, ye free of cost hai but jab aapka domain sell ho jata hai to us selling price me se kuch % godaddy apna comission cut kar ke baki ka paisa aapko de deta hai. comission rate aap neeche diye gaye link par click kar ke dekh sakte hai.

Comission rate for premium listing

Ques 2- Kya hum sirf unused domain name ko premium list me add kar sate hai?

Ans 2- NO, aap kisi bhi domain ko add kar sakte hai chahe wo used me ho ya ununsed.

Ques 3- Kya hum other domain registrar se liye gaye domain ko godaddy premium listing me add kar sakte hai?

Ans 3- Nahi, aap kewal godaddy domain ko hi add kar sakte hai.

Ques 4- Domain sell hone par hume uska paisa kaise milega?

Ans 4- Premium listing me domain add karte waqt aapko apna bank detail fill karna hota hai so jab aapka domain sell hoga to godaddy wo paisa aapke account me transfer kar dega.

Godaddy automatically handles the sale, collecting the funds from the buyer and transfer the domain into their accounts.

Ques 5- Premium Domain ka price kitne se kitne ke beech rakhna hoga? matlab ki hum apne domain ko kis price me sell kar sakte hai.

Ans 5- Minimum price 50$ hai aur maximum price 99999$ .

Ques 6- Premium listing me hum kis extension wale domain name ko add kar sakte hai?

Ans 6- .com, .org, .net, .co domain extension wale domain ko aap godaddy premium listing me add kar sakte ho.

Ques 7- Premium domain listing me domain add karne ke liye humara domain kitne month old hona chahiye?

Ans 7- iski koi limitation nahi hai, agar aap chahe to turant domain kharid kar usko premium list me add kar sakte hai aur us domain ko sell kar sakte hai.

Godaddy Premium listing ke bare me aur adhik jankari ke liye aap godaddy ki official website par visit kar sakte hai ya fir neeche diye gaye link par click kariye-

What are premium listing?

to friends ye the kuch commom questions jo ki aksar puche jate hai. Aaiye ab ye jante hai ki hum apne domain ko premium listing me kaise add kar sakte hai.

Premium Listing Par Domain Kaise Add Kare

Step 1- Sabse pahle to aap apne godaddy account me login ho jaiye.

Step 2- Ab aapke samne wo sabhi domain show honge jise aapne register kar rakh hai. aapko isme Manage All par click karna hai.

manage your godaddy domain

Step 3- Ab aap jis domain ko premium listing me add karna chahte ho use select kariye aur Monetize par mouse cursor le jakar Sell on Premium Listings par click kar dijiye.

domain monetize

Step 4- Next page me aapko domain ka price likhna hai aur payee account add karne ke baad terms and conditions ko tick kariye aur save button par click kar dijiye.

add domain to premium listings

List Price – aap jis price me apne domain ko sell karna chahte hai wo price money likhiye.

Add one Now – ispar click kar ke aapko apna payee account banana hai. agar aap image me dekhenge to isme manage payee accounts likha hua aa raha hai aur wo islea kyu ki maine pahle hi payee account add kar liya hai.

Aaiye mai aapko bata hi deta hu ki kya kya karna hai payee account add karne ke liye.

1- Add one Now par click karte hi ek new page opne hoga isme aapko neeche akar Add Payee par click karna hai.

2- Payee nickname likhiye aur Add par click kar dijiye.

ab payment details entry page me next par click kar ke apna bank details fill kar dijiye.

Step 5- Save button par click karte hi aapke samne confirmation ka page open hoga isme aapko checkout par click karna hai.

Step 6- Ab aap GoDaddy ke shopping cart page par hai isme aapko Proceed to Checkout par click kar dena hai.

click on proceed to checkout

Step 7– Ab Place Your Order par click kariye.

place your order

Congrats ! Ab Aapka domain premium listing me add ho gaya hai jo ki 24 hour ke andar show hone lagega.

Last Words-

jis tarah se aaj kal blogging ka craze badhta ja raha hai aur isme har roz 1000ro log kadad rakh rahe hai aur paise kama rahe hai thik usi tarah domain buy and sell kar ke bhi log good earning kar rahe hai aur is domain marketing ke business me bhi itna sara paisa hai ki aap andaja bhi nahi laga sakte.

mere khayal se domain buy & selling ka business best hai kyu ki agar isme thoda serious hokar kaam kiya jaye to sirf ek domain se hi hum lakho rupaye kama sakte hai. so mai aap sabhi ko yahi suggest karunga ki sirf blogging par hi depend na rahe aur iske alawa bhi other online resource ko try karte rahiye jisse ki aap zyada se zyada earn kar sake.

to friends aapko ye jankari kaise lagi hume jarur bataye aur agar is post me batayi ki koi bhi baat aapko samajh me na aayi ho ya fir aapko godaddy premium listing me domain add karne me koi dikkat aaye to hume comment kar ke jarur bataye.

Agar aapko ye jankari useful lagi ho to ise social media par jarur share kariye jisse ki aapke friends and relatives bhi iske bare me jaan sake.

Comments (2)

Leave a Reply

Your email address will not be published. Required fields are marked *

6 Shares
Share5
Tweet
+11
Share
Pin