Google Backup Codes : 2 step verification without your phone

Hi Friends ! Aaj main aapko Google Backup Codes ke bare me batane wala hu ki Akhir ye backup code kya hai aur iski madad se aap apne gmail account me kaise login ho sakte hai. jaisa ki aap jante hai ki maine apni last post me 2 step verification ke bare me bataya tha jiske jariye aap gmail ki security strong kar sakte hai. Agar aapne abhi tak Gmail 2 step verification enable kar Gmail ID kaise secure kare wali post ko read nahi kiya hai to mai Aapse request karunga ki iss Article ko jarur read kare.

kyu ki Backup code aap tabhi generate kar payenge jab aapne gmail me 2 step verification ko turn on kiya hoga. Two step verification me aapke registered mobile number par ek code Aata hai jisko dalne ke baad hi aap gmail me login ho sakte hai.

lekin yadi aapka phone kho jata hai ya fir phone number band ho jaye to fir aap apne gmail account me kaise login honge? Aise me aap Google Backup Code ki madad se apne account me login ho sakte hai.

Google Backup Codes

Google Backup Codes kya hai?

ek tarah se ye 2 step verification process ko complete karne ka second method ya Alternative method hai. jisme aap gmail account me login hone ke liye OTP verification ki jagah Backup code ka istemal kar ke apne account me sign in ho sakte hai.

Aap apne gmail account se ek bar me kewal 10 backup code hi prapt kar sakte hai ya fir ye samajh lijiye ki google aapko sirf 10 backup codes hi provide karta hai. aur unko use karne ke baad hi new backup code generate kar sakte hai.

Aapke liye ye baat bhi janna behad jaruri hai ki jis backup code ka use kar ke aap gmail account me login honge, uss code ka istemal aap dubara nahi kar sakte. i means ki aapko next time login hone ke liye koi dusra backup code select karna hoga.

Google Backup Codes Ka istemal kyu kare

Kae bar aisa hota hai ki hum apna phone sath me rakhna bhul jate hai aur apne gmail account me login hona chahte hai iske alawa ye bhi ho sakta hai ki jis number par humne 2 step verification laga rakha hai wo phone kahi kho jaye, mobile switch off ho jaye, network na ho ya fir kisi other reason se aap OTP code hasil na kar paye to iss situation me aap google backup code ka istemal kar ke google gmail account me enter ho sakte hai, bhale hi aapke paas 2 step verification ke liye mobile phone na ho.

simple words me kahu to agar aapne gmail security ke liye 2 step verification laga rakha hai to fir aapko backup codes bhi generate kar lena chahiye, kya pata iski kab jarurat pad jaye.

Backup Codes kaise generate kare ya Download kare

Codes ko generate kar ke download karne ke liye neeche bataye gaye steps ko follow kare-

Step 1- sabse pahle gmail account me login ho jaye fir iss link par click kare.

https://myaccount.google.com/two-step-verification/backup codes

Step 2- Scroll down kar ke “Backup Codes” Area me SET UP par click kare.

set up google backup codes

Step 3- jaise hi aap set up par click karenge aapke samne 10 backup codes show honge, jinhe save karne ko kaha jayega.

download or print google backup codes

  •  DOWNLOAD – ispar click kar ke aap ye backup codes download kar ke apne PC/Laptop me rakh sakte hai.
  • PRINT – aap chahe to inn codes ko pdf file me save kar ke print out page nikalwa sakte hai aur apne wallet me ya fir kahi aur rakh sakte hai.
  • GET NEW CODES – jab aap ye 10 backup codes istemal kar lenge to aapko fir se new code download karna padega, jise aap yaha se kar sakte hai.
  • CLOSE –  backup codes ko download or print karne ke baad close kar de.

 

Step 4– jab aap download par click karenge to aapki ye file notepad me save ho jayegi, kuch iss tarah..

open downloaded backup codes

iss file ko open karne par Aapke samne 10 backup codes show honge jo iss prakar hote hai aur kuch instruction bhi diye hote hai.

save your google backup codes

Note- mai aapko recommend karunga ki inn backup code ko aisi jagah par store kar ke rakhe jaha par aap apne other valuable items ko rakhte hai.

To iss tarah se aap google backup codes ko generate kar ke download kar sakte hai. ab baat aati hai ki iska istemal kaise karna hai, to chaliye ye bhi jaan lete hai.

Google Gmail Backup Codes ka istemal kar gmail me login kaise hote hai

iske liye aap other browser me apna gmail account open kare ya fir pahle se open gmail id ko sign out kar ke fir se login kare.

Step 1– apna username aur password daal kar sign in par click kare. fir aapko 6 digit code dalne ko kaha jayega jo ki aapke mobile number pe ata hai.

code na dal kar Try another way to  sign in par click kare.

try another way to sign in

Step 2Enter one of your 8-digit backup codes par click kare.

click on 8 digit backup codes

Step 3– Aapne jo Backup code download kiya hai usme se koi ek code enter kare.

enter a backup code

code enter kar ke Done par click karte hi aap apne gmail account me login ho jayenge.

To Friends iss post me aapne ye jana ki google backup codes kya hai aur iska istemal kaise karna hai, jab ki aapke paas 2 step verify ke liye mobile phone na ho.

I hope ki Aapko ye post acche se samajh me aa gaya hoga aur ab aap bhi gmail two step verification ke liye backup code generate kar uska upyog kar payenge. meri maane to mai sabhi gmail users ko yahi salah dunga ki wo gmail security increase karne ke liye 2 step verification jarur enable kare aur alternative method me backup code download kar ke apne paas rakhe.

Agar aapko ye article accha laga ho to ise social media par jarur share kare !

Comments (0)

Leave a Reply

Your email address will not be published. Required fields are marked *

0 Shares
Share
Tweet
+1
Share
Pin