IRCTC Me Online Train Ticket Kaise Book Kare

Hi Friends ! Aaj ke iss post me mai aapko bataunga ki Indian railways ki site irctc par online train ticket kaise book kare. Jaisa ki aap jante hai ki maine apni pichhli post me irctc kya hai, online ticket booking ke liye irctc me account kaise banaye ke bare me bataya tha. I hope ki Aapne uss post ko read kar ke apna account irctc me bana liya hoga.

Kyu ki ticket booking or reservation ke liye aapka account irctc me hona jaruri hai. agar aapne abhi tak apna account irctc me nahi banaya hai to mai aapko suggest karunga ki zald hi account bana le jisse ki aap bhi ghar baithe railway ticket book kar paye.

Yadi aap abhi tak ticket reservation ke liye railway station jate hai , ghanto line me lag kar dhakka mukki sehte hai, travel agency ya fir kisi cyber cafe me jakar ticket booking ke liye  extra money pay karte hai, aur inn sab me apne time ke sath-sath extra paise kharch karte hai to ab aapko ye sab problems face karne ki koi jarurat nahi hai. Kyu ki ticket book karne ka kaam aap khud se kar sakte ho aur wo bhi ghar baithe. Jisme aapko kam se kam 5 se 10 minute hi lagenge.

irctc me online train ticket kaise book kare

Ye to aap jante hi honge ki ab sare kaam online hone lage hai, so agar aap kahi jaye bina hi khud se online train ticket book karna chahte hai to ye post last tak read karte rahiye. Jisme mai aapko step by step batane wala hu ki irct par account banane ke baad online ticket book kaise karte hai.

Iss post me maine sabhi steps ko screenshot ki madad se samjhaya hai taki aapko samajhne mein kisi tarah ki koi pareshani nahi ho.

IRCTC me ticket book karne se pahle Aaiye hum ye jaan lete hai ki online ticket reservation se aapko kya fayda hai aur online railway ticket booking ke liye kin-kin cheezo ki jarurat padegi.

Online Train Ticket Book karne ke liye kya-kya chahiye

1- IRCTC Account- Mai aapko pahle bhi bata chuka hu ki online ticket reservation ke liye aapka account irctc me hona jaruri hai, yadi aapka account irctc me nahi hai to aap online ticket book nahi kar sakte.

Islea agar aapne abhi tak apna account indian railway ki site irctc me nahi banaya hai to meri ye post dekhe aur account bana le.

irctc par account banane ka tareeka

2- PC/ Laptop ya Smartphone- ticket booking ke liye aapke paas inme se koi ek cheez honi chahiye

3-Internet connection- Online work me internet ka hi kaam hai so aapke paas internet connection hona jaruri hai online train ticket book karne ke liye.

4- Online Payment Option- Online ticket reservation ke liye aapke paas net banking ki suvidha honi chahiye ya fir ATM Card (Debit card), Credit card etc ho jiske jariye aap ticket ka paisa online pay kar sako.

Online Railway Ticket Booking ke kya fayde hai

Mai samajhta hu ki Aapko kuch na kuch dikkat to ho rahi hogi tabhi aapne ye search kiya ki online train ticket kaise book karte hai. lekin fir bhi mai yaha par kuch points bata deta hu jisse ki aapko online reservation ke fayde samajh me aa jaye.

1- Samay aur paise ki bachat

2- Station nahi jana hoga ghar baithe hi reservation kar payenge.

3- Agar station dur hai to bike, auto se ane jane ka kiraya bachega.

4- ticket counter me lagne wali bheed se bachenge.

5- Online ticket booking me 5- 10 minute hi lagenege, jabki other jagah book karane me aapka zyada time loss hota hai.

6- Agar aapko online ticket book karna hota hai to aap kisi bhi time book kar sakte hai, chahe raat ke 2 baje bhi :-). But aap ek fix time me hi station jakar booking kar sakte hai.

7- Agar hume kabhi Urgent ticket book karne ki jarurat pad jaye to online ticket booking method sabse badhiya hai kyu ki isme hum kahi se kisi bhi time book kar sakte hai.

8- Bahut sare log ticket booking ke liye Agent ka sahara lete hai jo aapse kaafi paise le lete hai . ya fir ab to cyber cafe me bhi log ticket book karte hai jo ki aapse extra money earn kar lete hai so aap apna paisa bacha sakte hai khud se book kar ke.

Online Train Ticket Kaise book Kare

Ticket book karne ki prakriya bahut asan hai buss aap neeche bataye gaye steps ko follow kare-

Step 1- Sabse pahle Iss link par click kare- www.irctc.co.in

Step 2- Ab aapke samne irctc ka login form show hoga. usme apne irctc account ki user id, password aur captcha enter karne ke baad login par click kare.

irctc account login page

User ID- isme aapna irctc username dale.

Password- isme apna password enter kare.

Captcha- Aapke screen par jo captcha code show hoga same wahi enter kare aur yaad rahe ki isko capital letters me hi likhna hai.

Login- User ID, Password aur Captcha code enter karne ke baad Login par click kare.

Train ticket booking process

Login par click karne ke baad aapke samne irctc ka main page open hoga jisme aapko left side me plan my journey ka option dikhega. isme aapko kaha se kaha tak ki yatra ke liye ticket book karna hai wo enter karna hai aur date bhi select karna hai.

mai yaha par aapko apna example dekar bataunga jisme mai Allahabad junction se Jhansi junction ke liye ticket book kar raha hu. jo ki 27-04-2017 ke liye ticket reservation hai.

plan my journey

From Station- yaha par uss station ka naam likhe jaha se aapko yatra suru karni hai. maine yaha Allahabad likha hai.

To station- isme jis jagah aapko jana hai uss station ka naam dale. mujhe jhansi tak jana hai so maine yaha par jhansi likha hai.

Journey Date- jis date ke liye aapko ticket book karna hai wo select kare.

Ticket Type- isme E- Ticket select kare.

last me submit button par click kare.

Submit par click karne ke baad uss root par jitne bhi train uss din chalenge uska pura list show hoga.jo ki iss prakar hai-

train between station

sabse pahle Aapko Quota select karna hoga, to chaliye Quota ke bare me jaan lete hai.

Select Quota for online train ticket booking

General- Normal ticket ke liye isko hi select rehne dijiye aur adhiktar log general Quota me hi reservation karte hai.

Premium tatkal- ye ticket unn logo ke liye best hai jo ki waiting list se bachna chahte hai but iss ticket ki price zyada hoti hai. lekin isme aapko confirm ceat mil jati hai.

Tatkal- General Quota me ceat na milne par aap tatkal ticket le sakte ho. lekin tatkal ticket ki booking subah 10 baje se 12 baje ke beech hi hoti hai. aur iske liye aapko kuch extra paise bhi dene hote hai. ye baat bhi aapko pata honi chahiye ki 10 am to 11 Am ke beech AC class ticket ki booking aur 11 am to 12 am ke beech Non AC class ki booking hoti hai.

Physical handicap- Agar aap divyaang hai to isko select kare.

Ladies- ye quota specially ladies ke liye hai aur isme sirf 6 birth available hoti hai. dekha jaye to ye Quota unn girls or ladies ke liye faydemand hai jo ki akele safar karti hai.

Some others info

Train No- yaha par train number show hoga

Train Name- Train ka naam show hoga

From- jis station se ye train khulegi uss station ka naam yaha show hoga

Departure- jis time par aapki yatra suru hogi wo yaha par show hoga.

To- jis station par aapki yatra khatm hogi uss station ka naam show hoga.

Arrival- jis time par aapki yatra khatm hogi.

Dist.(km)- total distance matlab ki jis jagah tak aapko jana hai uski duri kitne km hai.

Travel Time- jaha tak aapko jana hai uss station tak pahuchane me kitne ghante lagenge wo show hoga.

Days- isme aapko M T W T F S S aise show hoga. iska matlab ye hua ki ye train kis kis din chalti hai wo show hoga. jis din train nahi chalti uske neeche cross ka nishan bana hoga. aur jis din train chalegi uss din ke neeche right ka nishan bana hoga.

Class- Aap kis class me travel karna chahte hai wo select kare jaise ki 1A, 2A, 3A, SL

maine yaha pe SL par click  kiya hai kyu ki mujhe sleeper class me travel karna hai aur ye baaki ki class se sasta bhi hai.

mujhe Bundelkhand Exp train se safar karna hai aur wo bhi sleeper class ke liye islea maine SL par click kiya hai.

SL class par click karte hi ek new page show hoga jisme aapko ye bataya jayega ki ceat available hai ya nahi aur ticket price bhi show hoga.

train ceat availability and ticket price

jaisa ki aap dekh sakte ho ki 27-04-217 ko ceat Available hai so mai iss date ke liye ticket book kar sakta hu.

ticket booking ke liye Book Now par click karna hai.

yadi ceat available na hoti to mai kisi aur date ko ticket book karta ya fir kisi dusre train me ceat availability check karta. to iss tarah aap bhi check kar sakte ho aur jis train me ceat available ho usko book kar sakte ho.

Book Now par click karne par aapke samne ek new page open hoga jisme aapko passengers details fill karni hai.

journey and passengers details

 

ye post zyada lamba na ho aur aap bore na ho iss wajah se mai screenshot dikha deta hu jise aap follow kare.

fill captcha and mobile number

passenger details fill kare, apna mobile number jarur se dale kyu ki ticket booking ke baad aapke number par hi reservation details recieve hoti hai.

Captcha code enter kare aur yadi koi captcha code na samajh me aaye to usko change bhi kar sakte hai.

passenngers details, mobile number, captcha code enter karne ke baad Next par click kare.

Journey availability details and payment option for train ticket book online

Next par click karne ke baad aap ye details dekh sakte hai jism aapko passengers details, journet details, total fare and ceat availability details show hogi.

online ticket reservation total fare

ek bar re-check kar le ki aapne sari details sahi bhari hai ya nahi. ab aapko ticket ka paisa pay karna hai, pay karne ke liye payment option select kare.

payment option for online railway ticket booking

Aap ATM card (Debit card), Credit card, Net banking se pay kar sakte ho. aap jis method se ticket price pay karna chahte hai wo select kare.

payment option select karne ke baad Make payment par click kare. mai ye maan kar chal raha hu ki aap online payment kar loge. payment successfully transfer hone par aapke bank account se ticket booking ka price money kat jayega.

aur aapke mobile number aur email id par message Aayega wahi E- Ticket hai, jisme ticket ka pura detail hota hai. aap uss ticket ko save ya print bhi kar sakte ho.

Final Words-

To Friends ab aap ye jaan gaye honge ki Online Train Ticket kaise book karte hai aur jab kabhi bhi aapko jarurat padegi ticket reservation karane ki to aap khud se ticket book kar paoge.

waise to ticket book karne ke aur bhi kai sare methods hai lekin mai aapko india railway ki official website IRCTC ke jariye ki train ticket book karne ki salah dunga. kyu ki ye ek trusted site hai aur mostly peoples irctc se hi ticket book karte hai.

I hope ki Aapko ye Article pasand aya hoga, aur agar abhi bhi aapko kuch samajh me na aya ho ya fir Online train Ticket Book karte time aapko koi problem aaye to aap comment kar ke ya fir mujhe directly message kar ke puch sakte hai.

Iss post ko social media (facebook, Twitter etc) par apne dosto ke sath jarur share kare .

Comments (5)

Leave a Reply

Your email address will not be published. Required fields are marked *

2 Shares
Share2
Tweet
+1
Share
Pin