Mobile Se Laptop Ya Desktop Ko Fully Control Kaise Kare

Hello Friends, Aaj ke is tutorial me hum mobile se Laptop ya Desktop Computer ko kaise Control/Access kar sakte hai iske bare me janenge. is post ko read karne ke baad aap badi asani se apna ya fir kisi aur ke laptop or desktop ko mobile phone se access kar payenge aur ye jaruri bhi nahi ki aap jis laptop/desktop ko apne mobile phone se control karna chahte hai wo aapke paas hi ho. Aap kahi se bhi, kisi bhi jagah se laptop se connect ho sakte hai aur usko access kar sakte hai.

Mobile Se Laptop Kaise Control Kare

Aaj mai aapko ek aisa tarika batane wala hu jisme mobile – laptop ko connect karne ke liye USB cable ki jarurat nahi padegi balki ab aap apne laptop ko remotely control kar sakte ho. but iske liye aapko apne mobile aur laptop me ek software install karna padega jiska naam hai Teamviewer.

Ab aapke man me ye sawal aa raha hoga ki akhir mobile ko laptop se connect kyu kare? isse kya fayda milega? 

to mai yaha par aapko kuch aise example dekar samjhane wala hu jise dekhne ke baad aap khud ye kahne par mazbur ho jayenge ki wakai me ye software kaafi kaam hai aur ise hume apne computer aur mobile device par use karna chahiye .

Android Mobile Se Laptop/Desktop ko Control Ya Access Karne Se Kya Fayda Hai?

waise to iske kai sare fayde hai lekin mai yaha par aapko 5-6 aise fayde batana wala hu jise janne ke baad aap apne computer ko mobile phone se connect jarur karna chahenge.

1- Teamviewer ki madad se aap khud ke laptop ko apne mobile se connect kar ke fully control to kar hi sakte ho iske alawa aap apne kisi friend ya relative ke laptop ya desktop ko bhi access kar sakte ho. but iske liye aapko apne friend or relative ke PC par bhi Teamviewer software install karna padega.

2- Aap delhi me rahe ya fir mumbai me aap kahi se bhi apne laptop se connect ho sakte hai aur usko access kar ke apni jaruri files dekh sakte hai.

ek tarah se dur hokar bhi aap apne computer, laptop ke paas hi rahenge. bhale hi aap usko chhu nahi sakte but usko apne mobile ke jariye access jarur kar sakte hai.

3- jab aapka mobile phone laptop se connect ho jata hai to fir laptop wala banda apne laptop par jo kuch bhi activity karta hai wo aapke mobile me bhi show hota hai to is tarah se aap dur rah kar bhi kuch seekh sakte hai aur sikha bhi sakte hai.

4- Suppose ki Aapke bhai ke paas ek laptop/desktop hai jo ki aapse kaafi dur rehta hai aur uske laptop me family member ke marriage ki dher sari images and videos hai jo ki aapko ya fir aapke family member me se kisi ko dekhna hai to fir wo image and video aap kaise dekh sakte hain?

whatsapp ya facebook par send karne ko kahenge? agar maan lijiye wo sari image & video send bhi kar de to fir aapko download karne me bhi samay lagega aur internet data loss hoga wo alag. to aise me aap mobile aur laptop ko teamviewer ke through remotely access kar ke wo sare image and video dekh sakte ho.

5- Suppose ki aapke dost ko laptop setting ke bare me kuch samajh nahi aa raha hai ya fir koi aur problem hai to fir aise me aap uske ghar jane ke bajaiye, aap apne ghar se hi bata sakte hai aur samjha sakte hai.

6- File transfer bhi kar sakte hai.

to friends ye to kuch example the jo maine aapko bataye, jab aap Laptop aur Mobile ko connect kar lenge to iske baad aap khud ba khud iski khasiyat jaan jayenge.

to chaliye ab is post ko jyada lamba na kheechte huye ye jante hai ki Mobile se Laptop or Desktop ko control karne ke liye kya kya requirements hai-

Requirement-

1- Aapke mobile phone aur Laptop me internet connection active hona chahiye.

2- Laptop me Teamviewer software aur mobile me Teamviewer for remote control App install hona chahiye.

Mobile Phone Se Laptop or Desktop Kaise Control Kare

1- Sabse pahle to aap neeche diye gaye link par click kar ke apne laptop par teamviewer software download kar ke install kar lijiye.

TeamViewer for Windows

download teamviewer for windows

Step 2- Software install ho jane ke baad TeamViewer ko open kariye.

open teamviewer software on your pc

jab aap teamviewer ko open karte hai to left hand side me aapki ID aur Password show hoti hai jisme ID to hamesha same rehta hai but password change hota rahta hai.

so, jab bhi aap teamviewer open karenge to aapke samne kuch alag hi password show hoga. 

Ab aapko apne Laptop/Desktop me kuch nahi karna hai, ise aise hi open rahne dijiye kyu ki upar image me jo ID aur Password show ho raha hai iski hume jarurat padne wali hai. ab apna mobile uthaiye aur usme ek App install kariye.

Step 3- Play store me jakar TeamViewer for Remote Control likh kar search kariye aur isko install kar lijiye.

install teamviewer for remote control

Step 4- is App ko install karne ke baad open kariye aur neeche bataye gaye instruction ko follow kariye.

jab aap TeamViewer for Remote Control App open karte hai to aapse Partner ID maanga jata hai.

partner id section me aapko us laptop, desktop ke teamviewer ka ID dalna hota hai jise aap control/Access karna chahte hai.

open mobile teamviewer app and fill partner id

Laptop me open TeamViewer ka partner id enter karne ke baad Remote Control par click kar dijiye.

Step 5- Ab aapko password enter karne ke liye kaha jayega so computer, laptop me open teamviewer ka password yaha par enter kariye aur OK par click kar dijiye.

enter your partner's password

Congrats ! Ab Aapka computer aapke mobile phone se Connect ho gaya hai ab aap chahe to apne mobile se hi computer ko control kar sakte hai.

laptop and pc remotely control by mobile phone

to dekha aapne ye kitna asan tha, i hope ki aapko isme koi paresani nahi aayi hogi.

Asha karta hu ki aapko ye post pasand aayi hogi aur isme bataye gayi sabhi baate aapko samajh me aa gayi hongi. yadi fir bhi aapke mind me koi question ho ya fir meri koi bhi baat samajh me na Aayi ho to aap comment kar ke puch sakte hai.

Agar aapko ye post useful lagi ho to ise share jarur kariye taki aapke friends and relatives bhi iske bare me jaan sake.

Comments (2)

Leave a Reply

Your email address will not be published. Required fields are marked *

7 Shares
Share6
Tweet
+11
Share
Pin