Temporary Email ID or Disposable Email Address Kaise Banaye

Hello Dosto aaj ke is Article me hum janenge ki Temporary email id ya Disposable email address kaise banate hai.

Aksar hum jab kisi website pe visit karte hai to kuch site aisi hoti hai jisme hume register karne ko bola jata hai aur apna email address dalna hota hai uss website me account create karne ke liye, aisa karne par hi aap uss website me enter ho pate hai.

temporary email id kaise banayeYaha tak to thik hai, lekin kya aapne kabhi gaur kiya ki Aapke email id par itne sare spam ya junk mails kaise aate hai? agar nahi to mai aapko batana chahunga ki ye sare mails aise hi kisi bhi untrusted website par apna real email id share kar dene se Aate hai. kyu ki aisi bahut si website ya companies hai jo ki humare email address ko bech deti hai ya fir other jagaho par share kar deti hai product promotion ya marketing ke liye.

Islea spam emails se inbox ko clean and safe rakhne ke liye real email id ki jagah aap temporary email or fake email ka istemal kar sakte ho.

isse pahle ki hum temporary email address banana seekhe, chaliye ye jante hai ki temporary or disposable email kya hota hai.

Temporary Email kya hai?

Temporary ka matlab hota hai asthayee yani ki kuch time ke liye. jab aap temporary email generated sites se koi temp email banate hai to wo short time ke liye hota hai aur kuch der baad wo khatm ho jata hai. Aur jo email id hum gmail, yahoo, hotmail se banate hai uski validity tab tak hoti hai jab tak ki hum apne gmail account ko delete na kar de, to ek tarah se aap isko permanent email address bol sakte hai.

temp email ki khasiyat ye hai ki aap jitne chahe utne email id bana sakte hai jo ki kuch minute ke liye hi hote hai aur baad me ye dispose ya khatm ho jate hai. yani ki ye temp email kaam karna band kar dete hai.

temporary email banane me kuch hi second lagte hai kyu ki isme aapko koi bhi details fill karne ki jarurat nahi hoti jaise ki mobile number and personal details.

Note– Temporary email se aap sirf message ko receive kar sakte hai kisi ko message send nahi kar sakte.

Temporary Email kyu banaye aur iske kya fayde hai?

temporary email create karne ka main reason apne real email id ke inbox ko clean rakhna hai. kyu ki har jagah real email address ke istemal se aapke email account par dher sare spam messsages ane shuru ho jate hai, jinhe aapko bar bar delete karna padta hai aur ye inbox ko faltu me bharte rahte hai. so aise me aap temp email id bana kar uska istemal kar sakte hai aur spam and junk mails se bach sakte hai.

Temp Email banane ke kuch aur bhi reason hai jo ki iss prakar hai-

  • instant email address chahiye ho to ye sabse accha tareeka hai kyu ki isme kuch second hi lagte hai aur aapka email id taiyar ho jata hai.
  • temporary email id bina kisi sign up process ke complete ho jata hai jisme aapko apni personal details bharne ki jarurat nahi padti.
  • suppose kabhi aapka gmail email id kaam na kare ya login na ho paye to aap temporary disposable email ka istemal kar jaruri files or documents recieve kar sakte hai.
  • internet par movies, ebook, software download karna ho ya fir kisi dusre kaam ke liye bhi aap temp email id ka use kar sakte hai.

Temporary email address kaise banaye

waise to internet par aisi bahut si websites hai jo ki temporary email id create karne ki service provide karti hai aur unhi me se ek hai mailinator.

to chaliye jaan lete hai ki mailinator ke through temp email address kaise banate hai.

Step by Step Guide to create Temporary email address by mailinator-

1- sabse pahle iss link par click kar ke mailinator ki site par aa jaiye.

2- Free Public Email ke neeche ek box dikh raha hoga usme jis name se aapko email id banana hai wo enter kare aur GO! par click kare.

enter your temporary email name

3- jaise hi aap username enter kar ke GO par click karenge to aapke samne ek new page open hoga jisme aapka temporary email address ban chuka hai jo kuch iss tarah se hoga.

malinator temp email id

First temporary email id- [email protected]

Secont  Temporary email id- [email protected]

Agar aapko temporary email par kisi se message ya important file recieve karni hai to aapko apna email id sender ko provide karna hoga. aur jab wo aapke email address par koi email bhejega to wo message aapko issi webpage par display hoga, jaisa ki aap neeche screenshot me dekh sakte hai-

recieve emails from others

To Iss tarah se aapne jana ki temporary email or disposable email ya fir fake email address kaise banate hai.

Some others best fake email generator and temporary email services

1- GuerrillaMail

2- AirMail

3- EmailFake.Com

4- mint email

5- 10minutemail

6- yopmail

7- moakt

8- fakeinbox

9- discard.email

10- mytemp.email

11- emailondeck

12-throwawaymail.com

13- TempMail

14- nada

15- 20minutemail

16- crazymailing

To ye tha temporary email or disposable email address banane ka process. i hope ki aap temporary email id bana kar uska istemal kar payenge. mere hisab se instant email create karne ka ye best way hai jisme aapko buss kuch second hi lagte hai. Agar aapke mind me koi sawal ho ya fir kuch samajh me na aya ho to neeche comment kar ke humse puch sakte hai.

Jarur Padhiye :

Gmail 2 Step Verification Enable Kar Email ID Kaise Secure Kare

Gmail Me All Useless Mails Ko One Click Me Delete Kaise Kare – Quick Ways

Agar Aapko ye article pasand Aaya ho to isse social media par jarur share kare !

Comments (0)

Leave a Reply

Your email address will not be published. Required fields are marked *

5 Shares
Share5
Tweet
+1
Share
Pin