Vahan sms service se janiye gaadi ke malik ka naam aur gaadi ki sari details

Aaj ki iss post me hum vahan sms service ke bare me janenge, jiski madad se hum kisi bhi gaadi ki sari detail aur uske malik ka naam jaan sakenge. maine aapko apni pichhli article me number plate se vehicle and owner ki details kaise pata kare iske bare me bataya tha aur iske liye 2 tarike bhi bataye the, jo ki online mode me hi possible hai. matlab ki un 2 tariko me Aapke paas internet connection aur smart phone ya pc ka hona jaruri hai.

vahan sms service se jaane gaadi aur uske malik ki details

lekin dikkat tab Aati hai jab yahi offline mode me pata karna ho. mere kahne ka matlab ye hai ki akhir wo log kaise pata lagaye jinke paas net connection ya smartphone nahi hai, Aur ye bhi jaruri nahi ki sabhi logo ko internet istemal karna Aata hi ho. so aise me wo log kaise pata lagaye?

Dont worry friends, indian government ne Digital india ke tahat ek aisi sms service launch ki hai, jiski madad se aap ye sab offline bhi pata laga sakte ho. iske liye aapko sirf 1 sms karne ki jarurat hai. iss iska naam hai vahan sms service.

iss service ka istemal kaise karna hai wo janne se pahle Aaiye hum ye jaan lete hai ki Akhir ye vahan sms service hai kya.

Vahan sms service kya hai? 

Agar aap kisi bhi vehicle ke number plate se us vehicle ki sari details aur uske malik ke bare me janna chahte hai to aapko jarurat hai buss 1 sms karne ki. sms karne ke kuch second baad hi aapke mobile number par us vehicle ki sari details aa jayegi. aur ye service 24 x 7 work karti hai so aap is service ka istemal kabhi bhi kar sakte hai. buss iske liye Aapke mobile me minimum balance hona chahiye jo ki 1:30 rs hai. yani ki per sms service charges 1:30 rs hai.

kya hai vahan sms service ki khasiyat?

is service ka fayda na kewal gaadi ke malik ka naam janne ke liye kiya ja sakta hai balki kisi Aapradhik ghatna me shamil vahano ka mauke par pata lagane me milega. waise to vahan sms service ki kuch aur khasiyat hai jo ki iss parakar hai-

Fraud se bach sakte hai- yadi aap kisi se purani gaadi khareed rahe hai to uss gaadi ka number sahi hai ya galat ya fir gaadi ka registration kiske naam par hai ye sab badi asani se pata laga sakte hai. kyu ki kuch log aise bhi hai jo ki chori ki hui gaadi ko apna bata kar bech dete hai.

Road accident me – Aapne dekha hoga ki bahut se log aise bhi hai jo ki accident karne ke baad bina ruke speed me apni gaadi chala kar nikal lete hai. so in this case yadi aapne uss gaadi ka number yaad kiya hai ya fir likh rakha hai, to fir aapke liye asan ho jata hai uss ki details pata karne me, jisse ki aap police station jakar report bhi likha sakte ho.

RTO office jane ki jarurat nahi– Agar aap kisi gaadi ki history aur uske malik ke bare me janna chahte hai to fir iske liye aapko RTO office jane ki jarurat nahi hai. ye sab ab ghar baithe hi pata laga sakte hai. iske liye aapko sirf 1 message karne ki jarurat hai aur gaadi ki details aapko mil jayegi.

vahan status ya fir owner ka naam janne ke liye vahan sms service ko kaise use kare?

mobile ke message box me jakar capital letter me VAHAN type kare fir space dijiye iske baad gaadi ka number likhna hai aur isko send kar dena hai 7738299899 par.

Vahan SMS Format- VAHAN <space> vehicle number and send to 7738299899.

SMS Example- VAHAN UP70CP9111 send to 7738299899

For example yadi aapke gaadi ka number ya fir registration no UP70 cp 9111 hai to message box me jakar capital letters me VAHAN likhe, iske baad space de, fir apne gaadi ka number likhe(gaadi number capital or small dono me se kisi bhi letter me likh sakte hai) aur isko send kar dijiye 7738299899 par.

Note- yaad rahe ki Aapko VAHAN capital letter me likhna hai aur vehicle number likhte time na to space dena hai aur na hi dash (-) lagana hai.

vahan sms service format demo

sms send karne ke kuch second baad hi aapke number par DZ-VAAHAN ki taraf se 1 message Aayega. jisme vehicle owner name and vehicle details hongi. jise aap neeche screenshot me dekh sakte ho.

vahan sms service reply or vahan status

sms se kya-kya jankari milegi?

1- kaun se RTO me gaadi registered hai.

2- gaadi ke malik ka naam

3- gaadi ka naam aur model number

4- Gaadi ka serial number

5- RC/FC ki expiry date

RC = Registration certificate
FC = Fitness certificate

6- yadi gaadi loan par li gayi hai to uske financer etc ki jankari mil jayegi.

mai samajhta hu ki ab aap ye kaafi acche se jaan gaye honge ki vahan sms service kya hai aur isko kaise use me lana hai. Agar fir bhi aapko koi problem Aaye ya fir koi confusion ho to aap comment ke puch sakte hai.

Post pasand Aaya ho to ise jarur share kare aur apne Friends ko iske bare me bataye.

Comments (7)

Leave a Reply

Your email address will not be published. Required fields are marked *

Share
Tweet
+1