Number Plate Se Vehicle & Owner Details Kaise Pata Kare

How to know Vehicle & Owner Details in india: Namaskar Dosto ! yadi aap kisi bhi Gaadi ya vehicle ke number plate se, uske malik ya owner ki detail aur uske registration ki jankari hasil karna chahte hai to aaj ke iss post me hum 2 aise tarike ke bare me baat karenege jiske dwara aap badi asani se ye pata laga sakenge ki ye gaadi kiski hai ya kiske naam pe registered hai.

number plate se vehicle & owner details kaise pata kare

Agar aapke paas gaadi ka number hai aur aap uss gaadi ki details nikalna chahte hai, jaise ki owner ka naam kya hai? Gaadi ka model kaun sa hai? Registration date kya hai ya fir wo gaadi kab registered hui hai aur usme fuel ka type kaun sa hai, matlab ki wo petrol se chalta hai ya fir diesel se.

Jarur Padhiye :

ye sab kaise pata lagaya ja sakta hai wo janne se pahle Aaiye hum ye jaan lete hai ki iski kya jarurat hai aur ye sab details kyu pata kare.

Vehicle & owner Details kyu pata kare aur iske kya fayde hai?

1- Road Accident me – Kabhi kabhi aisa hota hai ki Aap Road par chal rahe ho aur peeche se akar aapko ya fir kisi dusre bande ko gaadi thok kar nikal jati hai to aisi situation me agar aapne uss gaadi ka number likh rakha hai ya fir yaad kiya hai to aap police station me jakar uske khilaf report likha sakte ho. kyu ki indian goverernment ne hume aisi suvidha di hai jisse ab hum gaadi number se gaadi ke malik ka naam aur address ki jankari hasil kar sakte hai.buss iske liye humare paas gaadi ka number hona jaruri hai.

2- Khud ki gaadi ka Registration check kar sakte hai- Maan lijiye ki aapki khud ki gaadi hai aur usko kharide huye kuch hi time hua hai to Aise cases me bhi aap apni gaadi ka registration check kar sakte ho ki wo Ministry of Road Transport & Highway me Registered hai bhi ya nahi.

3- RC kho jane par- yadi aapki gaadi ki RC (Vehicle registration Certificate) kho gayi hai, to fir Aapko RTO office jakar RC ki ek new copy leni hoti hai. aur agar aise me Aapke paas apni gaadi ki registration date hogi to unko asani hogi Aapki RC nikalne me aur wo jaldi hi Aapki RC de sakenge, jisse ki aapka aur unka dono ka time bachega.

4- Second Hand Gaadi khareedne par- Yadi Aap koi seocond hand gaadi khareedna chahte ho to aise me aap ye bilkul bhi nahi chahenge ki wo gaadi chori ki ho. so aap ye check karna chahenge ki ye gaadi kiske naam pe li gayi hai aur iska real owner kaun hai, uske baad hi aap uss gaadi ko lena chahenge.

5- vehicle ki real purchase date pata lagane ke liye- Agar aap koi purani gaadi khareedne ka man banate ho to aapko iss baat ki bilkul bhi jankari nahi hoti hai ki wo kitne month purani hai ya kitne year purani hai.to iss case me bhi Aapke liye ye janna jaruri ho jata hai ki vehicle registration ki date kya hai.jisse ki aap ye confirm kar sako ki vehicle ki date kya ji jab isko khareeda gaya tha.

so vehicle ki real purchasing date pata karne ke liye bhi aap ye tareeke apna sakte ho. to chaliye ab apne main topic pe aate hai aur jante hai ki vehicle & owner details ke bare me kaise pata kar sakte hai.

Vehicle & Owner Details kaise pata kare?

Waise to bahut sare tareeke hai jinke dwara aap gaadi ke mlik ka naam aur gaadi ki details jaan sakte hai. lekin hum yaha wo 2 tareeke janenge jo ki iss prakar hai-

1 – Google play store se application ke jariye –

RTO Vehicle Number Details 

Step 1- sabse pahle aapko RTO Vehicle Number Details app download kar ke install karni hai.

Step 2- App ko open kare aur search vehicle par click kare.

open RTO vehicle number details app

Step 3- vehicle number matlab ki number plate par likha hua number enter kare aur search ke icon par click kare.

fill your vehicle registration number

search ke icon par click karte hi aapke samne gaadi ke malik ka naam aur gaadi ki puri detail aa jayegi. jaisa ki aap neeche dekh sakte hai.

see your vehicle and owner details

2 – Bharat sarkar ki parivahan sewa ki online website par jakar

Step 1- Parivahan.gov.in ki iss link par click kare.

Step 2- link par click karte hi aapke samne ek form show hoga jisme aapko ye details fill karni hai-

vehicle and owner details form fill on parivahan sewa

Registration no : isme gaadi ka number fill kare. jaisa ki aap jante honge ki gaadi ke number plate par likha hua number hi registration  number hota hai.

Mobile number: isme aap koi bhi mobile number fill kar sakte hai but wo mobile number aapke paas hona chahiye jis par OTP code Aayega.

enter verification code : Captha code fill kare.

Step 3- sari details fill karne ke baad Generate OTP par click kare. click karne ke baad aapke mobile number par jo code Ayega wo code aapko fill karna hai.

enter your registration number and mobile number

Step 4- OTP enter karne ke baad check RC status par click karna hai. iske baad aapke screen par sari details show hone lagegi.jisme vehicle ke owner ka naam aur vehicle ki details hogi.

now you see owner name and vehicle details

Final Words- To dosto iss tarah se aap gaadi ke number plate par likhe number se kisi bhi gaadi ke malik ka naam aur uss gaadi ki sari details pata laga sakte hai. i hope ki aapko ye 2 tarike pasand aaye honge aur ab aap bhi asani se vehicle & owner details ki jankari hasil kar payenge.

Agar Aapko ye post pasand Aaya ho to ise social sites par jarur share kare jisse ki Aapke Friends and relatives bhi iske bare me jaan sake.

Aur internet se judi sabhi jaruri jankari hasil karne ke liye humara facebook page jarur like kare jisse ki new post ki jankari aapko milti rahe.

Like Facebook Page

 

Comments (2)

Leave a Reply

Your email address will not be published. Required fields are marked *

14 Shares
Share14
Tweet
+1
Share
Pin