What is OneDrive? OneDrive Cloud Storage Me Important Files Kaise Store kare

onedrive kya hai? onedrive cloud storage ki madad se important files jaise ki photos, videos or top secret documents ko kaise secure and safe rakh sakte hai? aaj hum isi ke bare me janenge ki what is OneDrive? ye post sabhi ke liye khaas hai kyu ki isme mai data security ke bare me batane wala hu. Agar aap apne data (top secret files) ko lekar thoda bhi sahaj ho to ye post last tak read kariye.

what is onedrive, ondrive cloud storage me important files kaise store kare

jab baat aati hai data storage ki to aapke dimag me sabse pahle pen drive, hard drive, memory card etc aate honge. aur mujhe yakeen hai ki aap bhi apne sabhi jaruri files inhi me save kar ke rakhte honge. lekin data ko store karne ka sabse accha madhyam hai cloud storage. sayad aapne bhi iske bare me kabhi na kabhi suna hi hoga. Agar aap cloud storage ke bare me nahi jante to mai aapko bata du ki ye ek aisa jariya hai jisme hum apne important data or files ko online platform par save karte hai aur jarurat padne par isko dekh sakte hai aur iska use kar sakte hai.

cloud storage ke liye aap Google Drive, OneDrive, Dropbox, Amazon cloud Drive etc ka istemal kar sakte hai. lekin yaha par mai aapko OneDrive ke bare me bataunga aur isme apne files ko kaise store karna hai wo bataunga.

Aap sayad ye soch rahe honge ki akhir mai apne jaruri data ko OneDrive me kyu store karu? jab ki mere sabhi jaruri documents mere mobile, laptop/desktop, Sd Card me safe hai. Right?

lekin tab kya hoga jab aapka pen drive, memory card, laptop kahi kho jaye ya chori ho jaye. ya fir aapke PC ka Hard drive crash ho jaye? to aise me aapka sara data loss ho sakta hai. ye baat aap bhi kaafi acche se jante hai ki mushibat kabhi bata kar nahi Aati. so in mushibato ka samna aapko na karna pade iske liye aapko apne sabhi jaruri documents cloud storage me save karna chahiye. aur iska ye bhi fayda hai ki online server par aapka data save rahne par aap usko kahi se bhi access kar sakte hai. so iske liye aapko pen drive, hard disk etc ko sath me lekar chalne ki jarurat nahi hai.

iss post ka zyada lamba na karte huye chaliye ab ye jaan lete hai ki what is OneDrive?

What is OneDrive? OneDrive Kya hai?

Ye microsoft ki ek service hai jo ki sabhi microsoft account users ko free me sabhi prakar ki files ko store, sync and share kanre ka ek asan tarika pradan karta hai. iska labh uthane ke liye aapke paas microsoft account ka hona jaruri hai. Agar aapka account microsoft me nahi hai to maine apne last post me microsoft account banane ka tarika bataya hai. so aap uss post ko read kar ke apna account bana sakte hai.

Microsoft Account kaise banaye?

Microsoft OneDrive me aap 5GB tak ki files ko store kar sakte hai.

yadi aapke liye 5GB storage capacity kam hai to aapko OneDrive ka premium plan purchase karna padega.

OneDrive plans dekhne ke liye iss link par click kare.

OneDrive Plans

waise to 5GB tak ka space bahut hai aur zyadatar log free plan hi use karte hai, mai bhi free plan hi use kar raha hu. islea additional space ki jarurat hone par hi premium plan purchase kariye nahi to free plan hi best hai.

Note- Microsoft ek trusted company hai so aap bina kisi fikar ke apne sabhi jaruri files microsoft OneDrive me store kar sakte hai.

Important Files or Data ko OneDrive Cloud Storage me kaise Store Kare

Mai yaha par ye maan kar chal raha hu ki aapne apna account microsoft me bana liya hai. kyu ki microsoft user id aur password se hi aap onedrive me login ho sakte hai.

Agar aapka account Microsoft me nahi hai to iss link par click kar ke onedrive par account acreate kare….

OneDrive Account Create

Step 1- sabse pahle iss lik par click kare- OneDrive Login

Step 2- aapke same onedrive ka sign in page open hoga. jisme aapko microsoft account ka email id aur password dakna hai aur OneDrive Dashboard me enter ho jana hai.

Step 3- jaise hi aap password enter kar ke Sign in par click karenge, aapke screen par OneDrive ka dashboard open ho jayega. screenshot me aap dekh sakte hai.

upload files in onedrive

Ab aap apne jaruri files or folder ko yaha par store kar sakte hai.

files ko kaise store karte hai?

1- upload par click kariye. drop down menu me 2 option show honge (Files and Folder) jisme aapse pucha jayega ki aap single files upload karna chahte hai ya fir folder ko.

2- Single file upload karne ke liye files par click kariye.

3- yadi pura folder upload karna chahte hai to fir folder par click kariye.

file successfully upload ho jane par wo file dashboard me show hone lagegi.

To iss tarah se aap OneDrive Cloud Storage me kisi bhi tarah ka jaruri documents save kar sakte hai aur jarurat padne par usko istemal me la sakte hai.

Security ke lihaj se bhi cloud storage best option hai kyu ki idhar udhar apni important files or data ko rakhne ke bajaay , online store kar ke rakhna zyada secure hai.

Asha karta hu ki aapko mera ye Article What is OneDrive? OneDrive Cloud Storage Me Important Files Kaise Store kare ki jankari pasand Aayi hogi aur aapke kuch kaam Aayi hogi.yadi aapko iss post se related koi sawal ho to comment kar ke humse puch sakte hai. aur ye bhi jarur bataye ki aapko ye post kaise laga.

Plz share this post on Social media 🙂

Comments (2)

Leave a Reply

Your email address will not be published. Required fields are marked *

Share
Tweet
+1