Whatsapp 2 Step Verification Enable Kar Account Kaise Secure Kare

Time to Time whatsapp new update karta hi rahta hai. pahle whatsapp ne video calling, status feature add kiya jise kaafi pasand kiya gaya. ab whatsapp ne security ko dhyan me rakhte huye ek new feature add kiya hai. aur wo hai 2 step verifiaction. yadi aap apne whatsapp account, photos, message ko secure karna chahte hai aur ye chahte hai ki usko koi bhi hack kar ke access na kar paye to fir aapko Whatsapp 2 Step Verification enable karna hoga. isse aap apne whatsapp account ko pahle se bhi zyada secure kar sakte hai.

Whatsapp 2 Step Verification Se Account Kaise Secure Kare

WhatsApp 2 Step Verification Kya Hai

Agar aap google two step verification ke bare me jante hai aur apne gmail account me 2 step verifiaction enable kiya hua hai to fir aap iski khasiyat se anjaan nahi honge. jaise hum gmail me two step verifiaction on kar ke account secure karte hai  thik usi prakar ab hum whatsapp me bhi 2 step verification laga sakte hai.

jab aap whatsapp 2 step verification ko enable karte hai to aapko 6 digit ka passcode (PIN) set karna hota hai. aur jab kabhi bhi aapke registered mobile number se koi aur whatsapp account banana chahega to usko wo passcode enter karna hoga jo ki sirf aap jante ho. galat PIN enter karne par aapke whatsapp account ko koi dusra banda use nahi kar payega. isse hoga kya ki aapka whatsapp to safe rahega hi sath hi sath aapke personal or private messages, photos,videos bhi secure rahenge.

ye whatsapp ka new security feature hai jise ki haal hi me release kiya gaya hai. islea ho sakta hai ki sabhi whatsapp me aapko ye feature dekhne ko na mile. so aapko whatsapp ka new version install karna hoga ya fir old whatsapp ko update karna hoga.

Whatsapp 2 Step Verification kyu Enable Kare Aur iski Kya Jarurat Hai?

Suppose ki aapka phone kahi chori ho gaya ya fir kahi gir gaya to aapka sim card nikal kar koi bhi aapke number se whatsapp account bana sakta hai aur kisi dusre phone me bhi whatsapp use kar sakta hai.

jis mobile number se aapne whatsapp account banaya hai aur wahi sim kisi aur ke hath lag jaye to kya ho sakta hai ye aap behtar jante honge. kyu ki isse koi bhi aapka message, photos and videos dekh sakta hai jo ki hum bilkul bhi nahi chahenge.

second case me yadi aapka mobile kuch time ke liye kisi aur ke paas ho aur wo Aadmi aapke number se apne mobile me whatsapp install karna chahe to usko kis cheez ki jarurat padegi? sirf OTP ki jo aapke mobile number pe Aati hai. Right? to fir wo otp code aapke phone se recieve kar ke asani se aapka whatsapp apne mobile me bhi istemal kar sakta hai.

islea apne whatsapp ko secure rakhne ke liye aap usme 2 step verification enable kar sakte hai.jiske baad aapke whatsapp account ko koi bhi access nahi kar payega.

Whatsapp Me Two Step Verification Kaise Enable Kare

Yadi aapne abhi tak apne whatsapp account me 2 step verification enable nahi kiya hai to fir aap neeche bataye gaye simple steps ko follow kar ke asani se whatsapp 2 step verifiaction enable kar sakte hai.

1- whatsapp open kariye.

2- Ab Setting me jakar Account par click kariye.

whatsapp setting

3- Ab aapko Two Step Verification par click karna hai.

whatsapp two step verification

4- Enable par click kariye.

enable two-step verification

5- Ab yaha par aapko 6 digit PIN enter karna hai. pin aisa enter kariye jo aapko asani se yaad rahe aur strong pin enter kariye.

strong pin example- 851278, 931253 etc.

enter 6 digit passcode

6- wahi pin dubara se enter kariye.

confirm 6 digit passcode

7- PIN enter karne ke baad aapko apna email address enter karna hai. waise to email address dalna jaruri nahi hai aur isko aap skip bhi kar sakte hai. lekin mai aapko suggest karunga ki email address jarur enter kariye jisse ki jab kabhi bhi aap apna pin bhul jaye to usko apne email id ke jariye fir se recover kar sako.

enter your email address

8- wahi email address fir se enter kariye.

confirm your email address

Congrats! ab aapne apne whatsapp account me 2 step verification ko successfully enable kar liya hai.

9- Done par click kariye.

two-step verification is enabled

jaise hi aap Done par click karenge to aapke samne ye page show hoga. jisme aapko bataya jayega ki two step verification is enabled.

2 step verification is enabled

yadi aapko apne whatsapp account se two step verification feature ko disable karna hai to aap yaha se isko disable bhi kar sakte hai. pin aur email address bhi change kar sakte hai.

Special Note-

whatsapp 2 step verifiaction me aapne jo 6 digit ka pin enter kiya hai wo aapko yaad rahe matlab ki aap uss pin ko bhule na islea time to time ek message aapko show hoga jab aap apne whatsapp me enter honge.

enter your pin

ye message islea ata hai taki aap apna pin bhul na jaye. kyu ki kaafi time tak pin ka istemal na hone par hume wo pin yaad nahi rahta jo humne 2 step verification ko enable karte waqt dala tha. islea whatsapp se kuch iss type ka message show hoga.

To Dosto Aapne iss post me jana ki whatsapp me 2 step verification kaise enable karte hai aur apna account kis tarah secure kar sakte hai. yadi aapko apne whatsapp me 2 step enable karne me koi dikkat aaye to neeche comment kar ke puch sakte hai.

Whatsapp 2 step verification ki adhik jankari ke liye aap whatsapp ke official page par visit kar ke Two-Step Verification ke bare jaan sakte hai.

Agar aapko ye post pasand aya ho to ise social media par jarur share kare.

Comments (0)

Leave a Reply

Your email address will not be published. Required fields are marked *

Share
Tweet
+1