Aadhar Card Status Kaise Check Kare

Agar aapne Aadhar card ke liye apply kiya hai aur 2-3 month beet jane ke baad bhi aapka aadhar card abhi tak aapko nahi mila to ab aapko aur wait karne ki jarurat nahi hai. aap chahe to Aadhar card status check kar ke usko online download kar sakte hain. lekin iske liye sabse pahle aapko ye pata lagana hoga ki aapka aadhar card bana hai ya nahi.

Aadhar Card Status Kaise Check KareCheck Aadhar Card Status

Agar aap bhi apne aadhar ko lekar fikarmand hain ya fir is baat ko lekar pareshan hain ki abhi tak aapka aadhar card aapke diye gaye address par kyu nahi pahucha to aapke liye ye janna behad jaruri ho jata hai ki jis Aadhar card ka wait aap kar rahe ho wo generate bhi hua hai ya nahi. kyu ki jab tak aapka aadhar generate hi nahi hoga to wo aapko milega kaise?

 Read Also: Aadhar Card Kaise Update Kare

to fir ye kaise pata kare ki Aadhar card bana hai ya nahi?

ye janne ke liye aap online & offline method apna sakte hai jo ki mai yaha par aapko batane wala hu.

agar aap internet par “Aadhar card check kaise kare” ya fir “Aadhar card check karna hai” likh kar search karenge to aapko aise kai sare article mil jayenge jisme aapko aadhar card ka status pata karne ke liye online method, mobile sms, mobile app aur toll free number ke baare me bataya jayega.

lekin mai aapko batana chahunga ki ab kewal 2 hi method kaam kar rahe hain.

1- UIDAI ki website par jakar

2- Toll Free Number (Customer Care )

maine ye article likhne se pahle mobile sms ke jariye bhi aadhar card ka status janne ki kosish ki lekin mujhe nirasha hi hath lagi. kyu ki ab ye sms service working me nahi hai. so, mai yaha par aapko online and toll free number ke jariye aadhar card status pata karne ke bare me bataunga.

Aadhar Card Status Kaise Check Kare (Online)

online status check karne ke liye aapke paas Acknowledgement (Enrolment) slip ka hona jaruri hai jo ki aapko enrolment centre par ya fir jaha se aapne aadhar card banwaya hai waha par aapko mila hoga. agar ye slip aapke paas hai to aap badi asani se apne aadhar ka status jaan sakte hai.

Enrolment Number se Aadhar card ka status kaise check kare

Enrolment Number se Aadhar card status check karne ke liye neeche bataye gaye sabhi steps ko follow kare.

Step 1- Apne Aadhar card ka status pata karne ke liye sabse pahle to aap Aadhar Card ki official website https://uidai.gov.in/ par jaiye aur Check Aadhaar Status ke link par click kar dijiye.

check aadhar status online

Step 2- Ab ek new page open hoga jisme aapko apna enrolment number aur neeche diye gaye security code ko enter karna hai aur fir check status par click kar dena hai.

aadhar card check karna hai enter your enrolment number

Enrolment ID- isme aapko apna Enrolment No. enter karna hai jo ki enrolment slip me sabse upar diya hota hai.

Aap is screenshot ko dekh kar samajh sakte hai ki enrolment number kya hota hai-

aadhar card dekhna hai enrolment slip

Enter Security Code- Aapke screen par jo bhi captcha code show hoga usko enter kariye.

finally, check status par click karne par aapke aadhar card ka status show hoga. jisme aapko ye bataya jayega ki aapka aadhar generate hua hai ya nahi.

see your aadhar application status and downloadAgar aapka Aadhar generate ho gaya hai to use download bhi kar sakte hai.

yadi aapko nahi pata ki online aadhar card kaise download karte hai to maine ispar bhi ek post likha hai jise aap read kar sakte hai aur e-Aadhar card download kar sakte hai.

Aadhar Card Status Check Kare Mobile Se, Aadhar Card Check Karna Hai 

aap chahe to apne aadhar card ka status toll free number ke madhyam se bhi jaan sakte hai.

Aadhar Card Status Enquiry Mobile Number – 1947 (Toll Free Number)

aap iss number par call kar ke apne aadhar card ka status check kar sakte hai aur ye pata laga sakte hai ki aapka aadhar card bana hai ya nahi.

Final words

to friends is tarah se aap Aadhar card status check kar ke sure ho sakte hain ki aapka aadhar card bana hai ya nahi. yadi kisi wajah se aapka Aadhar application reject ho gaya hai to fir aap Aadhar ke liye fir se apply kar sakte hai.

i hope ki aapko ye article aadhar card status kaise check kare ” ki jankari useful lagi hogi aur aapne iski help se apne aadhar card ka status pata kar liya hoga.

Please share this article on social media

Please Share:

Comments (5)

Leave a Reply

Your email address will not be published. Required fields are marked *