Aadhar Card Update/Correction Kaise Kare

Aadhar- Mera Aadhar, Meri Pehchan. lekin tab kya jab aapki pehchan hi galat ho? matlab ki aapka aadhar card details hi wrong ho. aise me aapko jarurat padti hai aadhar card update ya fir usme correction karne ki.

aaj ke iss post me mai aapko Aadhar Card Update/Correction ke bare me batane wala hu. so, agar aapke Aadhar card me koi gadbadi hai, usme kuch new update karna chahte hain ya fir mobile number, address wagaira change karna chahte hain to iske liye aapko kahi jane ki jarurat nahi hai, kyu ki ye sab kaam aap khud se bhi kar sakte hain aur wo bhi ghar baithe.

Aadhar card update, correction kaise kare

pichhle kuch saalo me indian government ne jis tarah har kaam ke liye Aadhar card compulsory kar diya hai use dekhte huye ab yahi lagta hai ki ab koi bhi kaam bina Aadhar ke nahi hone wala. isliye hume apne Aadhar card ko update rakhna kaafi zaruri ho jata hai.

jyada time na lagate huye ab apne main topic par aate hai aur jante hain ki Aadhar card me correction kaise kare.

Aadhar Card Update or Correction Kaise Kare?

Agar aap apne Aadhar me kuch changes or correction karna chahte hai to iske liye aapke paas 3 tarike hai-

1- Update Aadhar Details (Online) – kewal address change kar sakte hai

2- Update Request by Post

3- Update at Enrolment Centre

1- Update Aadhar Details (Online)

Agar aap apne Aadhar card ko online update karna chahte hai to iske liye aapka mobile number aapke Aadhar card me add hona chahiye. kyu ki ASSUP (Aadhar Self Service Update Portal) me login hone ke liye aapko apna Aadhar number aur Capcha code enter kar ke send OTP button par click karna hota hai. jiske baad aapke mobile number par jo otp code Aata hai use enter karne ke baad hi aap ASSUP me login ho sakte hai.

simple words me kahu to online correction ke liye Aadhar Card me mobile number add hona jaruri hai.

yadi aapne Aadhar banwate samay mobile number add nahi kiya tha to fir aap is service ka istemal nahi kar sakte. aise me aapke paas second and third option hi bachte hai Aadhar card ko update karane ka.

Example ke taur par mai yaha par aapko mobile number update karne ka tarika bata raha hu ise dekh kar aap other details bhi change kar sakte hai.

Note: Aadhar card ki official website UIDAI par ab aap apna naam, date of birth, mobile number etc change nahi kar sakte. iske liye aapko paas ke kisi enrolment centre (Aadhar Kendra) me jana hoga. 

But agar aap apne aadhar card ka address change karna chahte hai to wo aap kar sakte hai.

Aadhar Card Me Mobile Number Update/Change Karne Ka Tarika

Step 1- Sabse pahle aap UIDAI ki official website par visit kariye.

https://uidai.gov.in/

Step 2- Ab Aadhar Update section me Update Aadhar Details (Online) par click kariye

update aadhar details online

Step 3- Ab ek new page (Aadhar Self Service Update Portal) open hoga isme diye gaye instruction ko read kariye aur sabse neeche To submit your update/correction request please me CLICK HERE par click kar dijiye.

click on to submit your update correction request

Step 4- yaha par aapko apna Aadhar number aur screen par jo bhi captcha code show hoga use enter kar ke Send OTP par click kar dena hai.

login with aadhar

Note- kabhi kabhi login ke time “This website is best viewed in 1024 x 768 screen resolution” ka message show hota hai so aapko computer laptop ki screens resolution 1024 x 768 karni hogi. normally log screen size 1366 x 768 rakhte hai.

Step 5- Send OTP par click karte hi aapke registered mobile number par jo code receive hoga use enter kar ke Login Par click kariye.

enter received otp

Step 6- Ab aap Aadhar self service update portal (ASSUP) me login ho chuke hai. yaha par aapko us box ko select karna hai jisme aap update ya correction karna chahte hai. select karne ke baad submit button par click kar dijiye.

data update request

Step 7- ab ek new page aapke samne show hoga isme aapko apna new mobile number enter kar ke Submit Update Request par click kar dena hai.

enter new mobile number

Step 8- Next page me terms and condition ko agree kariye aur Proceed par click kar dijiye.

confirm terms and conditions

Step 9- Proceed par click karte hi aapke new mobile number par jo aapne upar add kiya tha uspar OTP code aya hoga. us code ko yaha enter kar ke Submit button par click kar dijiye.

received otp code on new mobile number

Step 10- Finally, aapne apna new mobile number Aadhar card me ad kar diya hai jo ki 1-2 dino me update ho jata hai.

in my case, jab maine mobile number change kiya tha to wo 1 din me hi update ho gaya tha.

update request complete

jab aap Aadhar Card me kuch update ya Correction karte hai to aapko Update Request Number (URN) provide kiya jata hai jiski madad se aap Aadhar Card Status check kar sakte hai ki aapne jo changes kiye hai wo update ho gaya hai ya nahi.

so is URN (Update Request Number) ko kahi par save kar ke rakh lijiye. taki aap iski madad se update status check kar sake.

to friends ye to raha online method. chaliye ab offline method bhi jaan lete hai.

2- Update Request by Post

iski jarurat hume tab padti hai jab Aadhar Card banwate samay hum apna mobile number add nahi karte. aur aapko ye pata hona chahiye ki Aadhar Card update karne ke liye mobile number ka hona kitna jaruri hai. kyu ki UIDAI ki website par hum tabhi login ho sakte hai jab humara mobile number Aadhar me add ho. kyu ki login ke samay registered mobile number par OTP code receive hota hai jise enter karne ke baad hi hum self update portal me login ho phai.

By Post Aadhar Card Kaise Update Kare?

iske liye aapko ek form downlaod kar ke uska print out nikalwana hoga aur usme aap jo bhi correction ya update chahte hai wo fill out kar ke aur jaruri document attach kar ke neeche diye gaye address par post kar dena hai.

click here to download formAadhar Data Update/Correction Form

Addresses For sending Update Request By Post:

Address – 1                                                     Address – 2
UIDAI                                                              UIDAI
Post Box No. 10                                              Post Box No. 99
Chhindwara,                                                  Banjara Hills
Madhya Pradesh- 480001                             Hyderabad- 500034
India                                                               India

Ye bhi Padhe:

3- Update at Enrolment Centre

Aadhar Correction or update ke liye aap nazdeeki enrolment centre par bhi visit kar sakte hai. yaha par aapko apne sabhi original documents ko sath me lekar jana hoga.

Final Words-

mere hisab se to sabhi ke liye online method zyada sahi rahega kyu isme aapko kahi jane ki jarurat nahi padegi aur ghar baithe hi bade aram se Aadhar Card Update kar sakenge. lekin Aadhar me mobile number add na hone ki sthiti me aap post ke jariye apne Aadhar ko update kara sakte hai ya fir paas ke hi Aadhar enrolment centre par jakar update or correction karwa sakte hai.

to friends aaj ka ye post “aadhar card update kaise kare” aapko kaisa laga hume comment ke jariye jarur bataye aur ho sake to is post ko apne dosto ke sath jarur share kare taki wo log bhi Aadhar card update karne ka tarika jaan paye aur agar unke Aadhar me ya fir relatives ke Aadhar card me koi gadbadi ho to use sudhar sake.

Please Share:

Comments (4)

Leave a Reply

Your email address will not be published. Required fields are marked *