Aadhar Card Kis Mobile Number Se Link Hai Pata Kare

Agar aap ye janna chahte hain ki aapke aadhar card se mobile number link hai ya nahi to fir iss article ko end tak read kare. iss article me hum aapko Aadhar card me mobile number check karne ka tarika batane wale hain jiske jariye aap ye pata laga sakte hain ki aapke aadhar card ke sath mobile number link hai ya nahi aur agar link hai to wo aapke kis mobile number se link hai.

Aaj ke time me aapke paas aadhar card ka hona kitna jaruri hai ye to aap jante honge. kisi bhi kaam ke liye ab aapse aadhar card ya aadhar number maanga jata hai aur agar aise me aapke paas aadhar card nahi hai ya fir jo aadhar card aapke paas hai usme kuch gadbadi hai to iske chalte aapke kai sare kaam ruk jate hai. kyu ki aise aadhar card ka hona na hone ke barabar hai.

Read Also: Aadhar Card Status Kaise Check Kare

so, agar aapke aadhar me koi gadbadi hai to use turant sahi karwa le aur rahi baat aadhar card me mobile number link hai ya nahi ye pata lagane ki to iska tarika hum aapko iss article me batane wale hain. so keep reading…

Aadhar Card Me Mobile Number Register/Link Hai Ya Nahi Kaise Check Kare

Aadhar card me mobile number kaise check kare: Aagr aap iss baat ko lekar bilkul bhi sure nahi hai ki aadhar card banwate samay jo mobile number aapne add kiya tha wo aapke aadhar card ke sath link hai ya nahi aur agar link hai to wo kaun sa number hai ye janne ke liye aap neeche bataye gaye steps ko follow kar sakte hain.

Sabse pahle to aap neeche diye gaye link par visit kare.

resident.uidai.gov.in/verify-email-mobile

Ab Verify Email/Mobile Number ke page me apna aadhar number, mobile number aur aapke screen par jo security code show hoga use enter kar ke Get OTP par click kar dijiye.

jo mobile number aapne dala hai agar wo number aapke aadhar card se link nahi hai to neeche red color me ek message show hoga. jisme aapko ye bataya jayega ki aapka ye number UIDAI ke records me registered nahi hai.

agar aapko ye message show hota hai to fir aapko apna koi dusra number enter kar ke check karna hai.

jo bhi mobile number aapke aadhar card se link hoga to aapke screen par green color me ek message show hoga. The OTP is sent to your registered mobile number. check your mobile.

iska matlab ye hua ki aapka ye mobile number aapke aadhar card se link hai.

ab apne mobile phone ke message box ko open kariye. jaha par aapko 6 digit ka ek OTP Code recieve hoga. iss code ko Enter OTP ke box me type kijiye aur Verify OTP par click kar dijiye.

jaise hi aap OTP Code enter kar ke Verify OTP par click karenge to aapke screen par ek message show hoga.

Congratulation The Mobile Number 980*****12 matches with our records !

to friends iss tarah se aap ye pata laga sakte hain ki aapke aadhar card me kaun sa mobile number registered/link hai.

Ye bhi Padhe:

• Aadhar Card Ko Kaise Update Kare (Aadhar card correction)
• Aadhar Card Update Status Kaise Check Kare 

upar bataye gaye steps ko follow karte huye aap apni email id bhi verify kar sakte hai aur agar aapne apna mobile number update kiya hai to bhi aap ye check kar sakte hain ki aapka updated mobile number aadhar card se link hua hai ya nahi.

Agar aapko ye jankari useful lage to ise social media par jarur share kare.