IRCTC eWallet Kya Hai? Iske Kya Fayde Hai

Agar aap online ticket book karte hain to fir aap indian railway ki official website irctc ke bare me acchi tarah se jante honge aur aapne ye dekha hoga ki jab aap ticket ka paisa pay karne ke liye payment option select karte hai to usme credit card, debit card, net banking ke Alawa IRCTC eWallet ka bhi option show hota hai.

irctc ewallet kya hai

IRCTC eWallet kya hai aur iske fayde hai aaj hum isi ke bare me janenge. so, agar aap online ticket book karte hai to fir aapke liye ye post kaafi useful sabit hone wala hai isliye mai aapse request karunga ki is post ko end tak read kare.

IRCTC eWallet Kya Hai?

irctc ne online ticket booking process ko Aasan banane ke liye kaafi samay pahle hi eWallet sewa ki shuruwat ki hai lekin bahut kam hi log honge jo ticket booking ke dauran eWallet ka istemal karte hai aur aisa is wajah se kyu ki kaafi logo ko abhi tak irctc eWallet scheme ke bare me koi jankari nahi hai.

irctc eWallet ek aisi scheme hai jisme hum (irctc user) irctc ke paas pahle se paisa jama kar sakte hai aur ticket book karte samay bhugtan (payment karne) ke liye IRCTC eWallet ka istemal kar sakte hai.

nahi samjhe?

jis tarah se aap paytm ka istemal mobile recharge, shopping ke liye karte hai thik waise hi IRCTC ka bhi ek Wallet hai jiska istemal user IRCTC par ticket book karne ke liye karta hai.

lekin iske liye aapko IRCTC ke Wallet me pahle se paisa jama karna hota hai.

IRCTC eWallet account me minimum 100 rs aur maximum 10,000 rs tak jama kiya ja sakta hai. lekin is baat ka dhyan rakhe ki irctc eWallet ka istemal sirf ticket booking ke liye hi kiya ja sakta hai so apne jarurat ke hisab se hi wallet me money deposit kare.

IRCTC eWallet Se Kya Fayde Hai?

1- ticket book karte samay payment approval me lagne wale samay ki bachat

abhi tak irctc se ticket book karne ke liye aapko credit card, debit card ya fir net banking ka istemal karna hota tha . paise transfer karne ke liye irctc website ko us sambandhit bank ki website ke server par jana padta hai jisme kaafi samay lagta hai aur kai bar payment beech me hi latak jata hai. eWallet ke istemal se aap is pareshani se bach sakte hai.

tatkal ticket booking ke samay eWallet se payment karna faydemand sabit hota hai kyu ki aap ye jante hain ki jitni jaldi hum booking process complete karenge utne hi chances badh jate hain confirm ticket milne ke.

2- ticket par lagne wale payment gateway shulk ki bachat

jab aap irctc par ticket book karte hai tab bank aapse charge katta hai, every transaction ye shulk 10 rupaye ya isse adhik bhi hota hai. is wallet ke prayog se us shulk se bacha ja sakta hai.

3- kisi khash bank par nirbhar na hona

isse aap kisi khaas bank par nirbhar nahi rahenge. jaise ki maan lijiye ki agar us din bank ki website ka server down hai tab bhi aap IRCTC eWallet ke jariye ticket book kara sakte hai.

4- Fast Money Refund

ticket ke cancel hone ki stithi me irctc ki taraf se agle hi din user ke wallet me pura paisa bhej diya jata hai. jabki bank account me paise return hone me kam se kam 4-5 din ka samay lag jata hai.

IRCTC eWallet Kaise Banaye? IRCTC Me eWallet Banane Ka Tarika

Agar aap irctc par ticket book karne ke dauran eWallet ka istemal karna chahte hain to iske liye aapko eWallet ki membership leni hogi jiske liye aapko 50 rs pay karne hote hai.

Aaiye ab hum ye jante hai ki IRCTC eWallet ke liye kis tarah register kiya jata hai.

IRCTC eWallet Registration-

1- Sabse pahle to aap apne irctc account me login ho jaiye.

2- iske baad IRCTC eWallet section me jakar Register Now ke link par click kariye.

3- next page me aapko apna Aadhaar card ya fir PAN card verify karna hai.

4- verification process complete karne ke baad Transaction password create kariye aur neeche diye gaye payment option me se kisi ek ko select kar ke eWallet membership ki rashi 50 rs jama kar dijiye.

to is tarah se aapne irctc eWallet ki membership le li hai aur ab aap chahe to ewallet ke jariye payment kar ke ticket book kar sakte hai.

i hope ki ab aap samajh gaye honge ki IRCTC eWallet kya hai  aur iske kya fayde hai.

Yadi ye jankari aapko acchi lagi ho to ise social media par apne dosto ke sath jarur share kare taki wo log bhi IRCTC ke eWallet ke bare me jaan sake.

Please Share:

Comments (11)

Leave a Reply

Your email address will not be published. Required fields are marked *