Tatkal Ticket Kaise Book Kare, 100% Confirm Ticket Kaise Paye

Jab kabhi bhi aapko tatkal ticket book karna hota hai to sabse pahle aapke man me yahi sawal Aata hoga ki confirm ticket milega ya nahi. matlab ki aap bilkul bhi sure nahi rahte ki aapko confirm tatkal ticket mil hi jayega. kyu ki aap sabhi ko pata hai ki tatkal ticket book karna kitna mushkil kaam hai. sirf 2 se 5 minute ke andar hi train ki sabhi seat full ho jati hain aur aapko nirash hona padta hai. Aise me aap khud se tatkal ticket book kar sakte hain aur apne liye 100% confirm ticket pa sakte hain.

Aaj ke iss article me main aapko ek aisa trick batane wala hu jiske jariye aap khud se online tatkal ticket book kar payenge.

tatkal ticket booking kaise kare, confirm ticket kaise paye

yadi aapki typing speed aur internet connection accha hai to aap 30 to 40 second me hi tatkal ticket badi asani se book kar sakte hai.

wo kaise?

Aage hum isi ke bare me janenge bus aap is post ko last tak read kariye.

isse pahle ki hum tatkal ticket booking trick ke bare me jane Aaiye pahle ye jante hai ki tatkal train ticket book karne ke niyam kya hai aur ye kis time book kiya ja sakta hai.

Read Also:

Tatkal Ticket Booking Rules 2017 in Hindi – Tatkal Ticket Ke Niyam

Yadi hume kahi jana hota hai to confirm ceat ke liye kam se kam 10 se 15 din pahle ticket book karte hai. lekin achanak se turant (tatkal) kahi jana pade to confirm ceat ke liye tatkal ticket ka istemal kiya jata hai jo ki yatra ke 1 din pahle banti hai.

jaise yadi koi train 15 tarikh ko hai to aapko tatkal ticket 14 tarikh ko milega ya fir jaise ki koi train aaj ki date me dopehar 12 baje ke baad chalegi aur aap us train me tatkal ticket lekar yatra karna chahte hain to aap us train ka ticket 10 am to 12 am ke beech me hi book kara sakte hai.

Tatkal Ticket Booking Time 2017

Aap chahe railway station jakar tatkal ticket book kare ya fir khud se online, dono hi situation me tatkal booking time kuch is prakar rahengi-

  •  Agar aap AC class me tatkal ticket book karana chahte hai to iski booking subah 10 baje se start hoti hai aur 11 baje tak chalti hai.
  • Agar aap sleeper class (Non AC Class) ke liye ticket book karna chahte hai to iski booking subah 11 baje se start hoti hai jo ki 12 baje tak  chalti hai. 

Online Tatkal Ticket Booking Ke Liye Kin-Kin Chizo Ki Zarurat Hai

1- Computer ya fir Laptop

2- Internet Connection- Internet ki speed acchi honi chahiye.

3- Internet Browser (Chrome)

4- IRCTC Account – irctc me aapka account hona chahiye agar aapne abhi tak apna account irctc me nahi banaya hai to neeche diye gaye link par click kare aur irctc account bana lijiye.

5- payment ke liye debit card, credit card, net banking etc. but net banking se payment karte hai to zyada accha hai.

6- Typing Speed

7- Tatkal for sure extension jo ki aapko chrome browser me install karna hai. 

ye to thi wo 7 chize jo 100% confirm ticket pane me aapki madad karengi. chaliye ab ye jante hai ki wo trick kya hai jiske jariye hum tatkal ticket book karenge.

100% Confirm Tatkal Ticket Book Karne Ka Trick Kya Hai?

Agar aap normal tarike se irctc ki website par jakar tatkal ticket book karte hai aur wo bhi tab jab ticket booking start ho jati hai to aise me aapke chances kam ho jate hai confirm ticket pane ke. kyu ki normal ticket booking me aap ye steps complete karte hai jisme kaafi time lag jata hai-

1- irctc ki website par login honge.

2- fir plan my journey me kaha se kaha tak ka ticket banwana hai us station ka naam, date enter karenge.

3- fir train select karenge, Quota select karenge, Book Now par click karenge tab jakar aap passenger details fill karenge jisme kam se kam 1 minute lag sakta hai. yadi 3-4 passenger ki detail fill karni hai tab to aur samay lagega.

4- captcha code enter karne ke baad jab aap next button par click karte ho tab jakar aap payment option me pahuchte ho.

ye sare steps complete karne me hi aapka kaafi time chala jata hai.

to jara aap hi sochiye ki confirm ticket kaise milega?

ek yahi wajah hai jiske karan aap tatkal ticket book nahi kar pate.

Ab baat Aati hai ki fast ticket kaise book kare?

to mai aapko batana chahunga ki iske liye aapko ek auto fill extension ka istemal karna hai jiska naam hai Tatkal for sure: Free IRCTC tatkal autobook.

Tatkal for sure Extension Kaise Kaam Karta Hai?

hum is extension ki madad se sabhi details (upar bataye gaye 1 se 4 tak ka sabhi process) booking start hone se pahle hi fill kar lete hai, jisse ki ticket book karte samay ye sari detail na bharna pade. kyu ki jab hum is extension ki madad se ticket book karte hain to sabhi details automatically fill ho jati hai.

jab aap is extension ko apne chrome browser me install kar lete ho tab isme create a new trip ka ek option hota hai jispar click karne par aapse ye details fill karne ko kaha jata hai-

1- IRCTC login id & password

2- fir kaha se kaha tak ke liye aap tatkal ticket banana chahte ho us station ka naam, date, train number, class and Quota select karna hota hai.

3- next page me aapko passenger details fill karni hoti hai jaise ki passenger ka naam, Age, Gender, mobile number.

4- ye sari details fill karne ke baad aapko payment method select karna hota hai jisse aap ticket ka paisa pay karenge.

jab aap ye sare steps complete kar lete hai to aapki trip save ho jati hai aur aapke screen par ek note show hota hai jisme aapse kaha jata hai ki Book Now button par 09:57 am OR 10:57 am par click kare.

aisa islea kaha jata hai kyu ki aap jante hain ki AC Class ke liye booking 10 baje suru hoti hai aur Non AC Class ki booking 11 baje se.

so agar aap AC Class ke liye tatkal ticket book kar rahe hai aur aapne Trip me AC Class ko select kiya hai to aapko 10 baje se 2-3 minute pahle hi Book Now Par click karna hai.

Aur agar aap Non AC Class yani ki sleeper me tatkal ticket book kar rahe hai to aapko 11 baje se 1-2 minute pahle Book Now par click karna hai.

lekin ye jaruri bhi nahi ki aap booking time se kuch minute pahle hi Book Now par click karenge tabhi ye work karega. aap 1-2 minute late bhi kar sakte hai but aapko ye samajhna hoga ki aap jitna late karenge aapke chances kam hote chale jayenge confirm tatkal ticket milne ke. isliye uchit time par hi booking kare.

Note-

Tatkal for sure will work between 

09:45 – 10:15 am (AC) and 10:45 – 11:15 am (SL)

Ab aap ye soch rahe honge ki is extension ka kaam kya hai? Right?

iska kaam samajhne ke liye aap trip save kar lijiye fir Book Now par click kariye. jaise hi aap Book Now par click karte hai aap IRCTC ki website par redirect ho jayenge jisme aapki login id aur password automatically fill ho jati hai. yaha par aapko sirf captha code enter kar ke Login par click karna hota hai aur baki sab kaam apne aap hota rahega. jaise ki station ka naam, journey date, passenger details, mobile number wagaira wagaira. bus aapko captcha code enter karna hoga aur ticket ka paisa pay karna hai.

Note- Aapke samne jo captcha code aata hai wo humesha capital letter me hi hota hai so caps lock ko on rakhe.

i hope ki ab aap samajh gaye honge ki Tatkal for sure extension ka kya kaam hai aur iski madad se aap kaise fast ticket book kar sakte hai.

chaliye ab zyada time na lete huye hum ye jante hai ki Tatkal for sure ectension ki help se 100% confirm tatkal ticket kaise book kare.

Tatkal for sure Extension Se 100% Confirm Tatkal Ticket Book Karne Ka Tarika

Step 1- sabse pahle to aap neeche diye gaye link par click kar ke Tatkal for sure extension apne chrome browser me install kar lijiye. 

install Tatkal for sure

Step 2- extension install hone ke baad ye aapke browser me add ho jayega jise aap sabse upar right corner me dekh sakte hai. ab aapko tatkal for sure icon par click karna hai fir Generate ticket par click kar dena hai.

generate ticket

Step 3- Ab create a new trip par click kariye.

create a new trip

Step 4- next page me aapko apne irctc account ka username aur password enter karna hai aur next par click kar dena hai.

irctc username and password

Step 5- Aap kaha se kaha tak ke liye ticket book karna chahte hai us station ka naam likhiye, journey date, train number, class and quota select kar ke next par click kar dijiye.

trip details

Step 6- Next page me aapko passenger details, mobile number add kar ke Next par click kar dena hai.

Step 7- aap jis madhyam se payment karna chahte hain wo select kariye aur submit par click kar dijiye. mai aapko yahi suggest karunga ki payment net banking se hi kare. agar aapke paas net banking ki suvidha nahi hai to aap debit card or credit card se payment kar sakte hai.

select payment method

jaise hi aap submit par click karenge aapki trip save ho jayegi jo ki kuch is tarah se hota hai-

saved trip

to is tarah se aapne apni jouney detail Tatkal for sure extension me save kar li hai. ab aapko ticket book karte samay ye sari detail fill karne ki jarurat nahi padegi.

mai aap sabhi ko yahi suggest karunga ki final ticket book karne se pahle ek bar demo ticket book kar ke try kar le taki aap ye acche se samajh paye ki ye autofill extension kaise kaam karta hai aur iski help se hum super fast tarike se tatkal ticket kaise book kar sakte hai. jab aap sabhi process acche se samajh jayenge to fir aapko ticket book karne me asani hogi.

yadi ye article aapko useful lage to ise social media par apne dosto ke sath jarur share kare taki wo bhi tatkal ticket booking ki is trick ke bare me jaan sake aur apne liye ya fir apne friends or relatives ke liye 100% confirm tatkal ticket book kar saye.

yadi is post se related aapke man me koi sawal hai ya fir ticket book karne me aapko koi dikkat aaye to aap hume comment ke jariye bata sakte hai. mai puri kosish karunga ki aapko zald se zald reply karu aur aapki problem ko solve kar saku. 

Aap chahe to humara facebook page like kar sakte hai jisse ki ODT (Online Daily Tips) website par publish hone wale new post ki jankari aapko milti rahe.

Please share this post on social media !

Please Share:

Comments (18)

Leave a Reply

Your email address will not be published. Required fields are marked *