Pinterest Account Kaise Banaye Aur isko Kaise Use Kare

Pinterest Account Kaise Banaye : Badalte daur ke sath social media ko use karne ka purpose hi badal gaya hai. kuch sal pahle tak jaha iska istemal sirf friends and relative se jude rahne ke liye kiya jata tha to ab social media join karne ka main maksad apne business, brand, Blog or Website ko promote karna hai.

Agar aapka koi blog hai to aap bhi apne blog post ko facebook, twitter, google+ par share karte honge. jisse ki aapki website par zyada se zyada traffic aaye. lekin kya aap apne blog post ko pinterest par share karte ho? kya aapne abhi tak pinterest account banaya hai? Agar nahi to yakeen maniye aap apni webiste par aane wali kaafi traffic loss kar rahe ho.

kyu ki aaj ek professional blogger ho ya fir ek newbies, sabhi social media ke importance ko samajhte huye iska istemal bakhoobi kar rahe hai. aur wo sabhi facebook, twitter tak hi seemit nahi hai balki internet par maujood sabhi social networking sites jaise ki instagram, pinterest, tumblr … etc par apne blog ko promote karte hai. jisse ki unki post zyada se zyada logo ke nazro me aaye aur unki website par traffic increase ho.

Pinterest Account Kaise Banaye Aur isko Kaise Use Kare

Aaj ke time me pinterest itna famous ho gaya hai ki har koi apne business, brand etc ko promote karne ke liye pinterest ka sahara le raha hai. aur iski wajah hai pinterest par din pritidin badhne wale users ki shankhya.

“Aapko ye baat jankar hairani hogi ki pinterest par 75% users womens hai”.

Pinterest Kya Hai?

Facebook, twitter and whatsapp ki tarah pinterest bhi ek social networking site hai jo ki photo and video sharing ke liye famous hai. pinterest 2 shabdo pin aur interest se mil kar bana hai. jiska matlab ye hai ki aap iss social site par apne interest ki image ya fir video ko pin kar ke usko save kar sakte hai.

pin kar ke save karte hai? ji ha friends, pinterest baki social networking site se thoda alag hai.

Jaise School, College ya fir Office ke kisi borad par hum kisi bhi cheez ko pin kar sakte hai thik usi tarah aap pinterest me board bana kar usme photos ya video ko pin kar sakte hai. aur baki social network ki tarah yaha par aap like, comment, share ya fir Re-Pin bhi kar sakte hai.

pinterest ko march 2010 me launch kiya tha aur kuch hi samay me ye itna zyada popular ho gaya ki aaj 175 millions se bhi zyada log iska istemal kar rahe hai.

Pinterest Account Kaise Banaye?

Pinterest use karne ke liye aapko ispar id banani hogi. jo ki neeche bataye gaye simple steps ko follow kar ke aap bana sakte hai.

Step 1- sabse pahle aap pinterest ki official website pinterest.com par visit kare. Aur pinterest sign up form me apni email id aur password enter kar ke Continue par click kar dijiye.

pinterest sign up form

pinterest me aap 2 aur tareeke se sign up kar sakte hai-

1- Continue with facebook par click kar ke

2- Sign up with google par click kar ke

Step 2- Next page me Name, Age aur Gender fill kar ke Sign up par click kar dijiye.

enter name,age and gender on pinterest sign up

Step 3- kisi bhi 5 topic ko follow kar ke Done par click kare.

follow any 5 topic

Note- Aap apne interest ke mutabik koi bhi 5 ya usse zyada topic follow kar sakte hai.

Step 4- Ab next page par jitne bhi option aayenge unko skip karna hai. kyu ki isme aapko pinterest save button extension aur pinterest App ko download karne ko kaha jayega.

Step 5- Ab aapko apna email id verify karna hai. so apne email account me jakar pinterest dwara send kiye gaye mail ko open kariye aur confirm your email par click kar dijiye.

Congratulations ! aapne Pinterest account successfully create kar liya hai.

Ab aap apne pinterest account ko use kar sakte hai aur usme apne interest ki image or video ko pin kar sakte hai.

Pinterest Kaise Use Kare?

pinterest ko use karne ke liye sabse pahle ek pinboard create karna hoga jisme aap images/videos ko pin karenge aur uss board me image ko save karenge. to chaliye sabse pahle ek board create kar lete hai-

Pin Board kaise banaye?

  1. board create karne ke liye sabse pahle upar right corner me profile ke icon (Saved) par click kariye.
  2. Create Board par click kariye.

create pinterest board

Ab ek new page open hoga jisme aapko board name likhna hai. Board Name fill up kar ke Create ke button par click kare.

fill pinboard name

mai yaha par Mens Stylish Hair ke naam se ek board bana raha hu jisme mai men hair style ki images ko pin kar saku.

Ab aapka Board Create ho chuka hai. isi tarah se aap aur bhi pin boards create kar sakte hai.

Board to aapne bana liya, ab baat Aati hai ki isme image kaise pin kare. to chaliye ab image ko pin karna seekh lete hai.

Image Ko Pin Kaise Kare?

mens hair style ki image dekhne ke liye hum upar search box me mens stylish hair likh kar search karenge to humare samne kai sari image aa jayengi. inme se kisi ek image ko select kar ke save par click karna hai. kyu ki ek bar me hum kewal ek hi image pin kar sakte hai.

search mens stylish hair

jab aap save par click karenge to ek new page open hoga jisme aapse ye puchha jayega ki aap iss image ko kis Board me save karna chahte hai. so board select kijiye aur uske aage bane save button par click kar dijiye.

jiske baad wo image aapke board me save ho jayegi.

save image on board

iss tarah se aap kisi bhi image ko search kar ke usko pin kar sakte hai.

ye bhi padhe :

to friends, aaj ki iss post me aapne jana ki pinterest kya hai, pinterest account kaise banate hai aur isko kaise use karte hai. i hope ki aapko pinterest account creation ki ye jankari samajh me aa gayi hogi aur ab aap bhi apna account pinterest par bana sakenge.

jaha tak mujhe pata hai maximum sabhi bloggers pinterest ka istemal apni site ko promote karne me karte hai aur apni site par traffic generate karte hai. sirf bloggers hi kyu dekha jaye to har koi iska use apne business ko grow karne me kar raha hai. to fir deri kis baat ki 🙂 . aaj hi apna account pinterest par banaiye aur isme apni favourite images ko pin kariye.

Please share this post on social media !

Please Share:

Comments (9)

Leave a Reply

Your email address will not be published. Required fields are marked *