Vehicle/Gadi Number Se Gadi Malik Ka Naam Address Kaise Pata Kare

Namaskar Dosto ! yadi aap kisi bhi Gadi ya vehicle ke number plate se gadi malik ka naam, address aur gadi ke registration ki jankari hasil karna chahte ho to aaj ke is post me hum 2 aise tarike ke bare me baat karenge jiske dwara aap badi Asani se ye pata laga sakenge ki ye gadi kiski hai ya fir kiske naam pe registered hai.

number plate se vehicle & owner details kaise pata kare

Agar aapke paas gadi ka number hai aur aap uss gadi ki detail nikalna chahte hain, jaise ki owner ka naam kya hai? Gadi ka model kaun sa hai? Registration date kya hai ya fir wo gadi kab register huyi hai aur usme fuel ka type kaun sa hai. matlab ki wo petrol se chalta hai ya fir diesel se.

ye sab kaise pata lagaya ja sakta hai wo janne se pahle Aaiye hum ye jaan lete hain ki iski kya jarurat hai aur ye sab detail kyu pata kare.

Jarur Padhiye :

Vehicle/Gadi no se Gadi malik ka naam aur address kyu pata kare aur iske kya fayde hai?

1- Road Accident me Kabhi kabhi aisa hota hai ki Aap Road par chal rahe ho aur peeche se akar aapko ya fir kisi dusre insaan  ko gadi thok kar nikal jati hai to aisi situation me agar Aapne us gadi ka number likh rakha hai ya fir yaad kiya hai to aap police station me jakar uske khilaf report likha sakte ho.

2- Khud ki gaadi ka Registration check kar sakte hai- Maan lijiye ki aapki khud ki gadi hai aur usko kharide huye kuch hi time hua hai to Aise cases me bhi aap apni gadi ka registration check kar sakte ho ki wo Ministry of Road Transport & Highway me Registered hai bhi ya nahi.

3- RC kho jane par- yadi aapki gaadi ki RC (Vehicle registration Certificate) kho gayi hai, to fir Aapko RTO office jakar RC ki ek new copy leni hoti hai aur agar aise me Aapke paas apni gaadi ki registration date hogi to unko asani hogi Aapki RC nikalne me aur wo jaldi hi Aapki RC de sakenge, jisse ki aapka aur unka dono ka time bachega.

4- Second Hand Gadi kharidne par- Yadi Aap koi seocond hand gadi kharidna chahte ho to aise me aap ye bilkul bhi nahi chahenge ki wo gadi chori ki ho. so aap ye check karna chahenge ki ye gadi kiske naam pe li gayi hai aur iska real owner kaun hai, uske baad hi aap us gadi ko lena chahenge.

5- vehicle ki real purchase date pata lagane ke liye- Agar aap koi purani gadi khareedne ka man banate ho to aapko is baat ki bilkul bhi jankari nahi hoti hai ki wo kitne month purani hai ya kitne year purani hai. to is case me bhi Aapke liye ye janna jaruri ho jata hai ki vehicle registration ki date kya hai.jisse ki aap ye confirm kar sako ki vehicle ki date kya ji jab isko khareeda gaya tha.

so vehicle ki real purchasing date pata karne ke liye bhi aap ye tareeke apna sakte ho. to chaliye ab apne main topic pe aate hai aur jante hai ki vehicle & owner details ke bare me kaise pata kar sakte hai.

Gadi number se gadi malik ka naam address kaise pata kare?

Waise to bahut sare tareeke hai jinke dwara aap gadi ke mlik ka naam aur gadi ki details jaan sakte hai lekin hum yaha par wo 2 tareeke janenge jo ki is prakar hai-

1 – Google play store se application ke jariye –

RTO Vehicle Number Details 

Step 1- sabse pahle aapko RTO Vehicle Number Details app download kar ke install karni hai.

Step 2- App ko open kare aur search vehicle par click kare.

open RTO vehicle number details app

Step 3- vehicle number matlab ki number plate par likha hua number enter kare aur search ke icon par click kare.

fill your vehicle registration number

search ke icon par click karte hi aapke samne gaadi ke malik ka naam aur gaadi ki puri detail aa jayegi. jaisa ki aap neeche dekh sakte hai.

see your vehicle and owner details

2 – Bharat sarkar ki parivahan sewa ki online website par jakar

Step 1- Parivahan.gov.in ki iss link par click kare.

Step 2- link par click karte hi aapke samne ek form show hoga jisme aapko ye details fill karni hai-

vehicle and owner details form fill on parivahan sewa

Registration no : isme gaadi ka number fill kare. jaisa ki aap jante honge ki gaadi ke number plate par likha hua number hi registration  number hota hai.

Mobile number: isme aap koi bhi mobile number fill kar sakte hai but wo mobile number aapke paas hona chahiye jis par OTP code Aayega.

enter verification code : Captha code fill kare.

Step 3- sari details fill karne ke baad Generate OTP par click kare. click karne ke baad aapke mobile number par jo code Ayega wo code aapko fill karna hai.

enter your registration number and mobile number

Step 4- OTP enter karne ke baad check RC status par click karna hai. iske baad aapke screen par sari details show hone lagegi.jisme vehicle ke owner ka naam aur vehicle ki details hogi.

now you see owner name and vehicle details

Note:- Agar aap gadi no se gadi malik ka address pata karna chahte ho to fir iske liye aapko RTO Office jana hoga aur koi suitable reason batana hoga jisse ki wo log aapko gadi ke malik ka address bataye.

Final Words- To dosto is tarah se aap gadi ke number plate par likhe number se kisi bhi gadi ke malik ka naam aur us gadi ki sari details pata laga sakte hai.

i hope ki aapko ye 2 tarike pasand aaye honge aur ab aap bhi vehicle & owner details ki jankari hasil kar payenge.

Agar Aapko ye post pasand Aaya ho to ise social sites par jarur share kare jisse ki Aapke Friends and relative bhi iske bare me jaan sake.

Comments (19)

Leave a Reply

Your email address will not be published. Required fields are marked *